Šijəti

Šijəti — Islami dini gyləj məzhəb.

Šijətijədə 12 gylə imom

Šijə islam 12 gyləj imomon ǧəbul kardejdə, komon cy Məhəmməd pejǧəbəri ruhəni u sijosətə voris hisob bejdən. Imomonədə harki xysusijə kejfijət hestyše u dini, əxloǧi barədə sərost hisob bedə.

Ym cəvon barədə kyrtə məlumot:

1. Imom Əli ibn Abu Talib (600-661)

• Avlodəti: Cy Məhəmməd pejǧəmbəri ﷺ mamu zoə u zomo, Fatima Zəhra šuə (pejǧəmbəri kinə).

• Rol: šijon iminə imom u cominə xəlif. De yštə mydrikəti u ədoləti məšhure

• Marde : Nətičədə ǧəsto İragi Kufədə kyštə byə

2. Imom Həsən ibn Əli (625-670)

• Avlodəti: Cy Əli u Fatimə Zəhra jolə zoə

• Rol: Dyminə imom. De yštə sulhə xodiməti məšhure u bə šəhrvandə čangi əlejh dast-pocə kardedəbe

• Marde: Zəhəjn be bəpeštə

3. Imom Husejn ibn Əli (626-680)

• Avlodəti: Cy Əli u Fatima Zəhra rukə zoə

• Rol: Seminə imom, de beədalətəti čang karde məšhure. Kərbəlo čəngədə tələf be

• Marde: Kərbəloədə kyštə byə , cəj marde bə ədoləti myborizə rəmz byə

4. Imom Zejn Əl-Abidin (658-713)

• Avlodəti: Husejni zoə

• Rol: cominə imom, de yštə dyvon u rufijə zynejəti məšhure. Cəj zəhmət "Səhifə Əl-Səčədijə" cy šijon fikri vočibə səvon hisob bedə

• Marde: Amujon tərəfiku zəhəjn byə

5. Imom Məhəmməd Əl-Baǧyr (676-732)

• Avlodəti: Cy Zejn Əl-Abidini zoə

• Rol: Penčminə imom , de yštə zynejon u təhsilon məšhure. İminə šijə məktəbi onuəše.

• Marde : Amujon tərəfiku zəhəjn byə

6. Imom Čəfəri Əs-Sadyx (702-765)

• Avlodəti: Cy Məhəmməd Əl-Baǧyri zoə

• Rol: Šəšminə imom , Šijə islamədə čəfərijə məzhəbi soxtəkəse. De yštə elminə tədǧyǧoton u təhsili məšhure

• Marde: Abbasijon tərəfiku zəhəjn byə.

7. Imom Musa Əl-Kazim (745-799)

• Avlodəti: Čəfər Əs-Sadyxi zoə.

• Rol: Haftminə imom, de yštə mydrikəti u səbri zynə bejdə. Xəjli vaxt zindonədə dəvoniše.

• Marde: Zindonədə marde.

8. Imom Əli Ər-Reza (766-818)

• Avlodəti: Musa Əl-Kazimi zoə.

• Rol: Həštminə imom, de yštə aliməti məšhure. Abbasijə Xəlif Mamuni voris təjin kardə be.

• Marde: Abbasijon tərəfiku zəhəjn be.

9. Imom Məhəmməd Əl-Čavad (864-941)

• Avlodəti: Əli Ər-Reza zoə.

• Rol: Nəvminə imom, dinədə de yštə bəfomandəti u dindorəti məšhure.

• Marde: Abbasijon tərəfiku zəhəjn be.

10. Imom Əli Əl-Hadi (828-868)

• Avlodəti: Məhəmməd Əl-Čavadi zoə.

• Rol: Daminə imom, de yštə mydrikəti u rəhbərəti ǧabiljəti məšhure.

• Marde: Abbasijon tərəfiku zəhəjn be.

11. Imom Həsən Əl-Əskəri (846-874)

• Avlodəti: Əli Əl-Hadi zoə.

• Rol: Jonzəminə imom, kišvəri tərəfiku ve čiddijə idorə karde šəroitonədə žijedəbe.

• Marde: Abbasijon tərəfiku zəhəjn be.

12. Imom Məhəmməd Əl-Məhdi (868 s. bə dynjo omə)

• Avlodəti: Həsən Əl-Əskəri zoə.

• Rol: Donzəminə imom, "nijonijə imom" hisob bedə, kom nijoni be u oxojə zəmonədə obəgarde bo ədoləti bərpo karde.

Imomon šijə islamədə əhmijətinə roli bardejdən, cəvon žimon u təhsil dynjoədə bə million dindoron ilhom dojdə.

Səvonon