Širəli Əljar
| Širəli Əljar | |
| Millət | tolyš |
|---|---|
Širəli Əljar (26 fevral 1958 sor, Ǧyzlyvo di, Masalu rəjon) — tolyšə ənyvyšt.
Biografijə
[sərost bykə | kodi sərost karde]Širəli zoə Əljar Aǧajev 1958 sorədə Masalu rəjoni Ǧyzlyvo dijədə bə dynjo omə. Mijənə məktəbyš yštə dijədə oryxnijəše. Məktəbi vaxtonədə ve maraǧyš bə teətri, fərhəngi u ədəbijoti nišon dojdəbe[1][2].
1975 sorədə Boku Kitobxonəti Texnikumədə aktjorəti-režisorəti fakultə oryxniše. 1977-1979 soronədə sərvozətijətə be. 1980 soriku Masalu rəjoni Fərhəngi kədə xəlǧə teətrədə ko kardəše.
1986 soriku tosə 1993 sor Bədəlon dijədə Fərhəngi kə direktor ko kardəbe. Bə vaxtonədə Fərhəngi kədə xəjli təmšo səhnədə təškil kardəšbe. Millijə u regionalə mətbuotədə məǧolon nyvyštejdəbe. Bə vaxtonədə Fərhəngi kədə «Mərəkə» Tolyši Ədəbi Məčlis təškil kardəše[2].
Iminə kərə tolyšə zyvonədə ədəbijə žurnal «Honi» cap kardəbe.
1995-nə soriku tosə 2010 sor Urusijətədə žijedəbe. Pešo bə Apšəron ovašte, de kəj tumo kardə koon məšǧul bejdə. Ozodə vaxtədə de ədəbijoti, fərhəngi məšǧul bejdə. 4 gylə əǧylyš heste, 6 gylə nəvə.
Ofəjevonəti
[sərost bykə | kodi sərost karde]Fərhəngi kə direktor
[sərost bykə | kodi sərost karde]De ym vəzifə əv ve cok zynəše bə dast varde. Har mangədə rəjoni u respublikə mətbuotədə Fərhəngi kə mərosimon materiaolon cap bejdəbin. Fərhəngi kədə 8 gylə klub hestbe. Konserton u fərhəngə mərosimon təškil kardejdəbin dijonədə, məktəbonədə[1].
«Honi» žurnal
[sərost bykə | kodi sərost karde]1989 sorədə «Honi» žurnal cap kardəbe. Umumi 4 gylə numrə beše. Ijo tolyšə zyvonədə millijə bajəton, nəǧylon, byzulon u tolyšə zyvonədə nyvyštə šairon, ənyvyšton əsəron cap əbin.
Kitobon
[sərost bykə | kodi sərost karde]2019 sorədə iminə kərə capo bešə tolyšə zyvonədə «Byzang» kitob.
Pešo 2022 sorədə «Bəbiri nyrrə» kitob capo beše. Dyminə kitobədə nujə hikojon, feljetonon cap byən.
Tolyšə u tyrki zyvonədə nyvyštejdə, əcəj hikojon tolyšə zyvonədə ružnomonədə u hežo žurnalonədə tyrkə zyvonədə cap bejdən[1].
Satirikə žanrədə bəj ve xoš omedə nyvyšte.
«Mərəkə» ədəbi məčlis
[sərost bykə | kodi sərost karde]Ədəbi məčlis «Mərəkə» - məčlis, gyrdəbemon məno dojdə. Ym məčlis 2 sor ko kardyše, əcəj vej uzvon pešoən yštə ədəbijə fəolijəti nišon kardejdən. Cəvon dylədə Xanəli Tolyš, Allahverdi Bajrami, Čamal Lələzoə, Šərafətdin Ilkin, Čabbar Əlijev u čo kəson tolyšonku vej məšhurə šairon u ənyvyšton hisob bejdən[1].
Ysətən «Amburi soǧnədə» - tolyšə ədəbi məčlis yštə fəolijəti nišon kardejdən u Širəli Əljar əcəj sədre. Ym məčlis rəjrə gyrdə bejdə, ədəbijə šəvon dəvonijedə, kitobon edaštejdə.