Galen
| Činsijət | merd  |
|---|---|
| Šəhrvandəti | Romə Imperijə |
| Yštə zyvonədə nom | Claudius Galenus |
| Romə prenomen | unknown value |
| Romə nəsylə nom | Klavdij |
| Romə kongnomen | Galenus |
| Zandruž | Sentjabr 129 |
| Dynjo omə | Pergam |
| Marde taryx | 3. century |
| Marde vyrə | Romə |
| Pyə | Aelius Nikon |
| Ǧədimə romə nəsyl | Aelia gens |
| Kom zyvononədə gəp žəjdə ja nyvyštejdə | ǧədim junanə zyvon |
| Nyvyštə əsəron zyvon | ǧədim junanə zyvon |
| Fəolijət | həkim-ənyvyšt, čərroh, nejro elmonədə alim, həkim, filosof |
| Fəolijəti sahə | Tibb, anatomijə, Fəlsəfə, məntyǧ |
| Dərs səše cy | Albinus, Satir, Aelianus Meccius |
| Žijə vyrə | Pergam |
| Məšhurə əsər | De atra bile |
| Əhmijətinə vyrə | Pergam |
| Edaštə byə by əsərədə | Divina Commedia |
| Era | syftəjnə Romə imperijə |
| Myəllifi həxi hol bənə myəllifi | myəllifi həxon ko kardə myddət orəxəj |
Galen (junan. Γαληνός; sentjabr 129 sor, Pergam, Asijə vilojət, Romə imperijə — təxminən 216 sor, Romə, Italijə vilojət, Romə imperijə) — ǧədiməromə lyǧmon, čərroh u junanə filosof. Galen jolə tohfə dəǧandəše bə xəjli elmon dərəse, bə anatomijə, fiziologijə, patologijə, farmokologijə u nevrologijə, həmən bə fəlsəfə u məntyǧ.
Əcəj nom vejni nyvyštən bənə Klavdij Galen (lat. Claudius Galenus) bə məjdon beše Intibohi dovrədə u nyvyštəjonədə ǧejd bedəni; hisob bejdə ki ym xətoə izohe cy kyrtə nyvyštəjku Cl. (Clarissimus).
Ərbobinə memari zoəje, Galen cokə təhsil səše, xəjli səjohət kardyše, cy təbobəti barədə xəjli məlumoti gyrdə kardyše. Romədə bo žije mande bəpeštə cy Romə zadəgon myoličə kardəbe, u pešo cy Romə kali imperatoron xysusijə həkim be.
Əcəj nəzərijon avropə təbobətədə dominant bin 1300 sori dylədə. Əcəj anatomijə kom cy məjmunon u xugon bədonon umutej əsosədə, oko dojdə bin tosə 1543 sor kejnə cy Andreas Vezalij «Odəmi bədəni soxtemon» əsər beše, əcəj xuni dovran nəzərijə tosə 1628 sor oko dojdəbin, kejnə Viljəm Garvej yštə «Həjvononku dyli u xuni lyvemon anatomijə tədǧyǧot» əsər edaštyše, končo xuni dovranədə cy dyli vyrə təsvir doše. Tələbon-lyǧmonon Galeni əsəron umutejdəbin tosə XIX əsri. Əcəj nəzərijə končo votə bejdə ki mazg lyvemonon idorə kardejdə de əsvbon sistemi dastəki, ym əsər ysvtən aktuale.
Əcəj irsədə xəjli cijon mandən cumcyko bə surijə, ərəbi, jəhudi, latyn u ǧədimə erməni zyvonon pegordynijə byəbin.