Icəšə div

Icəšə div

Icəšə divi nəǧyl — tolyšə xəlǧə nəǧyl.

Sužet

Žijedlbin ženy-šuə, cəvonku əǧyl nybe. Iberdəmədə əvon de i caši gyləj zoə pəjdo kardən u boštə əj ogətejdən. Zoə rəjrə jol bedə u si be zynejdəni, moə hežo bo əj nun pate rəsedəni, əv harci hardejdə. I kərə iberdəmədə əv de hamsujə əǧylon hənək kardejdə u gyləj zoə dasti aryštə u hardejdə əj. Ym hodisə bəpeštə zoə bə ǧəror bešedə ki bə višə byšu u əjo byžijo. De pyə-moə devango kardə u šedə. Boštə višonədə gyləj koc pəjdo kardə bo žimon kardej. Boštə zandəgo u pəs pəjdo kardə, u har ruž nezə dijonku gyləj odəmi dyzdijedə bo harde, pəs de zandəgo bo əj bənə gəvcərəz bedə.Odəmon by holədə mande gornə bə ǧəror bešedən ki yštə dijonku didərgin be. Yštə dijku bešejədə gyləj žen de korpə əǧyli bedə, u yštə əǧyli tarseku gin kardə. Yštə əǧyli cy širi lonə tono eǧandə, širiku tarsedə u vitedə. Šir bə əǧyli hici kardəni, əj boštə ogətejdə u bə zoə Širzoə nom nojdə.

Jol byə Širzoə cy Icəšə divi koci pəjdo kardə, ogardə yštə moə tono u bəj cy divi u koci barədə gəp žəjdə. Šir bə zoə cy odəmon iškilon barədə gəp žəjdə, votejdə cy divi barədə. Šir votejdə bəj əcəj əsyl moə barədə, əcəj viteku, tarseku, cerə šir əvyš boštə ogəte u jol karde. Širzoə pijəše xysos səj u odəmon cy diviku ozod karde. Šir bəj šymši doše u tikəj yštə mujku byrniše, votyše ki iberdəmədə gyləj bəlojədə bybuš ym mu bysutiš u az bəty dastək bomem.

Širzoə de yštə aǧyli Icəšə divi bə dast dənojdə əcəj kocədə u ǧalib omejdə, odəmon xylos kardə.