Kəkojlə
| Žinə sinife cy | seabird, piscivore  |
|---|---|
| Taksoni nom | Larinae |
| Taksonə səvijə | subfamily |
| Taksoni nezə penə səvijə | Laridae |
Kəkojlə ja (Əǧəkəkko, Dyjoredə, Dyjokafte) — gylə pərəndəje[1].
Cy dyjokəno, dyjo kižən vote bəbe. Əmo kəkojlə hakanə bo čo ov bə vyronən omejdə, ce kanali, ruj, xandəxon səpejən pərejdə. Kitobonədə nyvyštejdən ki, kəkojlə 14 čuryš heste. Əmə cəvonədə 3 – 4 čuri zynejdəmon.
1) Sijosə kəkojlə;
2) Gədə kəkojlə;
3) Nyǧə rangə kəkojlə;
4) Bozə kəkojlə.
Sijosə (Dyždə) kəkojlə
[sərost bykə | kodi sərost karde]Ən jolə kəkojləje. Peštyš, kəšon kutyš boze. Səš sijo bejdə. Dumi tyk sijoj, cangonyšən zardin. Nijə gylon kəšon dyrozi 100–104 sm, moə gylonki 92 – 99 sm bejdə. Kaspi kənonədə žijejdə. Hakanə bə dijon, kanalon kənonən omejdən.
Gədə kəkojlə
[sərost bykə | kodi sərost karde]Ən hyrdə gyləj. Səš sijo, kəšon tyk sipi, žinə tərəfyš tyndə boze. Tykyš sy bejdə. Yštə hardemoni ovi dimisə, ja zəminisə, jaən pərejədə həvoədə gətejdə. Kəšon dyrozi 43 – 47 sm bejdə. Dyjoədə həvo bevəč bejədə, hakanə de dastə bə dijon omejdən. Mely-məvuš, hakanə gədə kulmə hardejdən.
Nyǧə rangə kəkojlə
[sərost bykə | kodi sərost karde]Kəšonyš boz, mandə vyronyš sipi bejdə. Tykyš zarde. Lyngonyš nonč jaən zard bejdə. Kəšon dyrozi nijə gyləku 88 – 98 sm, moə gyləku 82 – 92 sm bejdə. 2 – 3 gylə moǧnə nojdən.
Bozə kəkojlə
[sərost bykə | kodi sərost karde]Səš cil-cilin bejdə. Čyvonə gylon xakijə rangədə bejdən, žinə tərəfi rangyš rušine. Tykyš ižən lyngyš kavujə-zardə rangədəj. Lankoni ləpəkonədə kam-kam zymystoni dəvonijə gyləš heste.