Mirsalajev Bekəǧə
| Bekəǧə Mirsalajev | |
 | |
| Zandruž | |
|---|---|
| Zandruži zəmin | Rəzgo, Lankoni ǧəzo |
| Mardə taryx | (44 sinədə) |
| Marde səbəb | Gullə žəšone |
| Dəkandə vyrə | zyne bedəni |
| Žen | Ǧyztəmom Israfili kinə |
| Millət | tolyš |
| Fəolijət | Kommunistə fyrǧə fəol, Lankoni rəjoni jol |
Mirsalajev Bekəǧə[1] (22 janvar 1893 sor, Razgov di, Zuvandi rəjon, Lankoni ǧəzo, Urusijəti imperijə — 8 janvar 1938 sor, Azərbojčoni SSR) — tolyšə ičtimoi-sijosijə xodim, Kommunistə partijə (bolševikon) Zakavkazə Kraj komitə dyminə kotib.
Biografijə
[sərost bykə | kodi sərost karde]1906 sorədə əcəj 13 sinənədə əcəj xyjzon bə Boku ovašte. Əǧylətijədə nati gyrdə kardə vyronədə yštə ko bino kardyše[2]. Ko karde vaxtonədə əv yštə zynəjonən, yštə təhsiliən səjdəbe. Sabuncijədə 3-sinifə məktəbi oryxniše[3]. 1918 sorədə bə yštə di Rəzgov ogarde u əjo Mistani dij čəmjəti šurədə kotib ko kardyše. Pešo əcəj xyjzon bə Lankon ovašte.
Myǧon-Šurə Respublikə
[sərost bykə | kodi sərost karde]Myǧon-Šurə Respublikə elon kardejədə əv aktiv rolyš byə. Cy Respublikə Məholi Šurə Jol gyləj partizanə ǧysmi jol - Lankonədə inǧylobə usjonədə ištirokəkə David Cirkin vyžnijə byəbe, u əcəj myovini vyrədə Širəli Axundov be. Bolševikon dylədə be-be Bekəǧə bə yštə divoži abrek Junus Abbasovi dastə nydəše, əmma cy tolyšə syə partizani Bala Məmmədi dastədə be u pešo kejnə Junus bə šurə tərəf ovašte, Bekəǧə bə əcəj dastə umžən be. Myǧon-Šurə Respublikə soxte bəpeštə, Širəli Axundov xəjli gəp žəjdə de tolyšə abreki Junus Abbasovi (Junus Rəzgovyži) u əv de Bekəǧə Mirsalajevi dastəki zynejdə əj bə šurə tərəfi okyrnije. Junusi cy "Zyvandi ucastok" komissar təjin kardejdən[4].
Ovəjevonəti
[sərost bykə | kodi sərost karde]Bekəǧə bo məktobon dutejro, təhsili səvijə rost kardejro, čyvonon bə ədəbijoti u nəčiməsənəti sahə sədo kardejro, tolyšə zyvoni ozavaijero xəjli dast-pocə kardejdəbe Lankoni rəjonədə[2]. 21 janvar 1931 soriku de Bekəǧə Mirasalajevi redaktorəti u Muzəffər Nəsirlo kotibəti tolyšə ružnomə "Sıə Tolış" bino kardyše cap be[5][6].
Həbs be u kyšte
[sərost bykə | kodi sərost karde]15 nojabr 1936 sorədə Bekəǧəšon həbs karde, gynošon nyvyšte ki, 1934 soriku əv ištirokəkə u cy Azərbojčoni millətpərəstə buržuazon «Lankoni filiali millijətpərəstə əlejh u usjonəkə-terroristə təškiloti» soxtəkəs, kom məǧsədyš hest be «Lankoni cy Azərbojčoniku čo karde» u «Tolyšə muxtarijət» soxte, «Lankoni rəjonədə bo usjonəkə daston odəmon hozy kardejdəbe u bo Azərbojčoni Kompartijə rəhbəron əlejh terroristə akton hozy kardejdəbe»[7].
7 janvar 1938 sorədə de SSRI Ali Məhkəmə Hərbijə kollegijə ǧərori Mirsalajev taxsyrin hisob be de Azərbojčon SSR Činojətə Məčəllə 64, 70 u 73 maddon u bə gullə žəj de əmloki mysodirə karde məhkum kardə be. 1938 sori šəvədə janvari 7 bə 8 ǧəror bə vyrə rosnijə be[2].
Bibliografijə
[sərost bykə | kodi sərost karde]Sərredaktor
[sərost bykə | kodi sərost karde]- «Çı HİK(b)F proğram ijən nizomnomə» («Proqramma Rossiйskoй kommunistiçeskoй partii (bolьşevikov)» prinяtaя na VIII sъezde ot 18-23 marta 1919 q.), Boku, 1935,
- «Həmro Stalini həmə ittifoğ staxanovçijon iminçi muşavirədə kardə nitğ» («Reçь tovariщa İ.V.Stalina na pervom vsesoюznom soveщanii staxanovцev»), Boku, 1935.
Pejəgordyn u radaktor
[sərost bykə | kodi sərost karde]- «Qommunistə firğə manifest». Q. Marqs, F.Engels («Manifest kommunistiçeskoй partii». K. Marks, F. Эnqelьs), Boku, 1933.
Səvonon
[sərost bykə | kodi sərost karde]- ↑ Vestnik Talışskoй Naцionalьnoй Akademii / red. İ. Abilov. — Nauçnoe izdanie. — Minsk, 2011. — S. 134. — 200 s.
- ↑ 2.0 2.1 2.2 Xalid Maxmud. Stroki iz kajdoй jizni = Hər ömürdən sətirlər. — Baku: UniPrint, 2019. — S. 17-19. — 472 s.
- ↑ Mirxaşim Talışlı, Axadov Эtibar. Lenkoranь: Эnkцiklopediçeskaя informaцiя = Lənkərən: Ensikloprdik məlumat. — 2. — Baku: ASC, 2017. — S. 397-398. — 584 s. — ISBN 5-89968-099-7
- ↑ TolishPress.org - Talışskiй эtniçeskiй faktor v istorii Muqanskoй Sovetskoй Respubliki - I I. tolishpress.org
- ↑ A.A. Umnяşkin. İRANSKİE ЯZIKİ KAVKAZA: İSTORİЯ İZUÇENİЯ TALIŞSKOQO ЯZIKA (rus.) // Politiçeskie nauki. Vostokovedenie. Vıp. 10.. — 2011. — S. S. 135-142.
- ↑ Vestnik Naцionalьnoй Talışskoй Akademii / red. İ. Abilov. — Nauçnoe izdanie. — Minsk, 2011. — S. 134. — 200 s.
- ↑ Mirsalaev Beюk-Aqa Abulьfat-oqlı. ru.openlist.wiki.