Natinkun
_im_NSG_Wagbachniederung_2_(crop).jpg)
| Kyrtə nom | P. nigricollis  |
|---|---|
| Taksoni nom | Podiceps nigricollis |
| Taksonə səvijə | čur |
| Taksoni nezə penə səvijə | Podiceps |
| IUCN-i mydofijə status | LC |
| Myždəvonijon | Sori pərəndə |
| Status in the Red List of Threatened Species in the Czech Republic | bə gin bej holi neze |
| Taksoni ərozi | Nanling Mountains, Afrikə |
| Digital Atlas of Idaho URL | https://digitalatlas.cose.isu.edu/bio/birds/grebes/eagr/eagr_mai.htm |
Natinkun — gylə pərəndəje.
Ovədə žijə hyrdə pərəndəj. Rangyš sijo-xakije. Sinəkuš bə luzi žinə tərəfon sipi bejdən. Kəšonyš kyrtin. Kəši poron xakije, myxəkije. Tykyš gədəlije. Cəši kənonyš bə sy mandejdə. Cəšon pentono bə gyj tərəf bozə poronyš heste. Tykyš sijoj. Səj təpəku tobə dumi poron bə kavujə məxməri oxšəš dojdə. Ənčəx dijəroədə bə sijo mandejdə. Lyngon cangyš heste. Əvən sijo rangisəj. Dumyš ənədə kyrte ki, žoǧo byzyn, dumyš ni. Vej cocinə andomə soxtemonyš heste. Kəlləku tobə luzi žijədəj guždi rangədə sipi, luzi žiku bə ži sijo rangədəj. Žoǧo byzyn, bə mazot egətə byə. Hežo cy pərəndə nomən by gorə bə əməl omə: “natinə kun”.
Dəlon, lejnon aradə lonə gətejdə. Bə lonə dylə hyškə dəloə livə dəvoštejdə. Poz, zymystonədə cəmə kanalonədən bejdə. Vejə ro pəre zynejdəni. Bə ov ešejdə, 50–60 metrə bəpeštə bešejdə. Nez əvəsori bə dyjo – Ǧyzyləǧaz šejdə. Kəšon dyrozi 18–20 sm bejdə. Moə natinkun 180–190, nijə gylə 220 ǧ omejdə. Əsosən meli–məvuš, cy ovə rəson tumi, gədə kulmə hardejdə. Kam–kam žəjdən. Guždyš hardənije, əmo vejən ləzətin nij. 4 – 6 gylə moǧnə nojdə, balə bekardejdə.