Nopegət:Cin (diləg)

Diləgi nom

Ym diləgi nom orəğ ni. Orəğ cy tyrki syxane. Cəmə zyvonədə bymi du votedən yəni aləfi duej. Cinən bəyi cy ciniku oməjo votedən. Əmma orağ cəmə syxan ni. 37.201.198.20 22:06, 10 Ijun 2025 (+04)

Hic gylə luǧətədə žygo syxanym nyvinde, girəm končosə heste bynyvyštən u səvoni bə məǧolə dəǧandən. Girəm syxani təsdyǧ karde bedəni lozime umumijə syxani oko doj bydə vejni odəm dərəson cici barədə syxan šedə. De hurməti Quseйnaqa (no-pegət) 12:48, 13 Ijun 2025 (+04)

dəǧandə syxanym məǧolədə vinde, bəle girəm Ostoro kali dijonədə žəgo votedən šymə əcəj barədə məlumot nyvyštyjone, əmma luǧətonədə Novruzəli, Pirejko, Əbboszodə žygo syxanym nyvinde. Quseйnaqa (no-pegət) 12:51, 13 Ijun 2025 (+04)

Im luğət likədə ja lankonədə nıvıştə bə. Ostoro bandi dijon sıxanon əjo nin. Həminə ə luğətə ki sıxanon hestin əvon çı tırki sıxanonin. Az hırdənətiku tasvə bə ısət həmişə du məsəme, əməku bı diləgi heçkəs orəğ votedəni. Vikipediyə tırki zıvonun hejo ım sıxanon tırki təki təsdiğ kardəşone. Orəğ ya çin çəmə sıxanon nin. Əməku du, kırdon və farson votedən das, tajikon isə dos vetədən. Şımə kəsi pəydo bıkən ostoro pensə, şüvi, arçon, ya şahağaci və xəbə bıstənən ki du çiçe və aləfi düə çiçe. Aləfi əgər düədəş əv oğo də du diləgi ko karde məno dodə. Bəzi sıxanon luğətonədə hejo tırki zıvoniku peğətə bə. Şımə di bə helıki xılik votedə, əmmo əmə helık votedəmon. Dərəstənim boçi liki ya lankoni ləhçə nıvıştə bə, əmmo ostoro ne. Çəmə zıvon məgər tolışi ni? Həmən çəmə əsl sıxanon bə digər ironi zıvonon slxanon mandedə. 37.201.198.3 20:07, 20 Ijun 2025 (+04)

Az zındənim boçi çəmə əlifba çı latviya əlifba təkie. Əməku ü hərf bəyə bıbu çon ki bəzi sıxanon həmmə əgər də u bınıvıştəmon əvədə iglə səxan 3-4 gılə məno dodə və dərəs bedəni. Hejo peğətəmon du sıxani.

Dü - yalan, Dü - ayran, Du- ağac, do -orəğ. Çəmə veyni sıxanon də taciki yəni farsi dəri sıxanon ve fərg dodənin. Əgər bə orəği tacik dos votedəsə, əvədə əməku əv do bəyə bıbu. Əməku s hərif ginı bə və do mandə. Çəmə gılan jığo gılə əlifba vıjınəşone ki sıxanon bə yənde qınyən. Nə tolış nə ironıj ımi dərəstəni. Çinən bə doyi votedən bə çəyi qorə ki əv çinədə ve isitofədə bedə, və əyi çıneyo istifodə kardedən. Az həm çayım peçıniyə həmən aləfım doəy ya duəj. Orəğ ya yaba ya co tırki sıxanon əmə istifodə kardəmon ni. 37.201.198.3 20:32, 20 Ijun 2025 (+04)

Girəm šymə votə syxanon oko doə bejdən bə əvon səvon (mənbə) bəpe bybu luǧətədə vejni vyronədə oko doə byə syxanon nyvyštejdən. Ijən cy Novruzəli Məmmədovi u Lija Pirejko luǧətonədə hežo Ostoro dijonku pegətə byə syxanon purin. Novruzəli hežo cy Ostoroku be, əcəj luǧətədə žəgo syxanym nyvinde. Vikipedijə ədəbi zyvonədə nyvyštə bejdə u kom syxani ve tolyšon oko dojdə ə syxan bəpe bybu. Vikipedijə ǧajdonədə nyvyštə byə "bəpe har dəǧandə məlumoti osə karde byzynoš" jəne səvoni nyvyšte lozime. Girəm syxanoi dəǧandəjon u əj vejni zynejdənin bəvədə lozime səvoni nyvyšte, girəm luǧətədə əbyni dəǧande cumcyko žygo bəzyne be ki maštə gyləj odəm bebəše bə məjdon u yštən bino bəkarde syxanon soxte, tožə syxanon pesoxte. Əve səvon lozime. Az šymə dəǧandə syxanon bəbe vote ki həmmə zynəme u luǧətonədə əvoni pəjdo kardyme.

Girəm ki Ostoro bandi tolyšon votə syxanon bə luǧət egynijə nin, ve həjf ki žəgo bəzne be, caš kardəmon u bovə kardəmon kejnəsə kijsə əvoni bə tožə luǧət dəbəǧande.

Tolyšə əlifbo 4 sor bə nav vyžnijə byə u Vikipedijədə oko doə bejdə, bo həmmə tolyšon vyšnijə byə.

ü - hərf tolyšə əlifboədə ni cumcyko ym sədo čəmi kali kamə vyronədə oko doə bejdə, bəbe vote ki vejni tolyšonku ym sədo ni. Əve nə oxonə luǧətonədə heste, nə bo əǧylon handə kitobonədə heste. Nyvyštejədə ü - hərfi sədo əvəzi hežo - u - nyvyštə bejdə.

Ysətnə tolyšə ədəbijə zyvon cy lankon-masal ləhcə əsosədə nyvyštə bejdə, ymən de nyvyštə byə ədəbijoti bə šykyrəje, končo ve nyvyštən - cə vyrə ləhcə bə ədəbi zyvon ovaštejdə. Quseйnaqa (no-pegət) 15:42, 21 Ijun 2025 (+04)

Novruzəli ıştə diədə heçkəsış parsəni əji veyni sıxanon tırki təki nıvıştəşe. Mıku heste çəyi lüğət və əyo az ve tırki sıxanon vindəme. Şımə bınən ıştə qruppədə bə muzakirə im diləgon və bıdə zinəkəs bınıvıştı. Tolışi siyosətçiyon veyni lankoniku ya likiku beşən və əvon çoknə votedən hejo jəğo nıvıştəşone. Novruzəli luğət jəğo qıllə fərə luğət ni. Şımə ıştən nıvıştəyon ki tolışi ədəbi zıvon çə masali və lankoni zıvonədə nıvıştə bedə ə lüğətonən hejo ə çəvon votə sıxanon təşkil kardedə. Əve ısət internet heste bəbe hərkəsiku parsəy. Az do ya du sıxanım ıştəku bekardə ni. Im sıxan həqiqətən heste. Məsələn tasvə bə ısət şımə məsəyone bicor çiçe? 37.201.198.82 21:33, 21 Ijun 2025 (+04)

Şımə ıştənən fər zındəyon ki orəğ çı tırki sıxane. Pidəşe sa gılə lüğətə ım sıxan bıbu ım tolışi zıvoni slxan ni. Əmə hər qılə diləgi nom doəmone və əvoni pəydo karde lozime. 37.201.198.82 21:48, 21 Ijun 2025 (+04)

Girəm bičor votejdəjon - byrz karšə vyrəje. Az cy Vikipedijə ǧajdon əsosədə bə šymə izoh kardyme holi. Girəm bə šymə ysətnə luǧəton xoš omejdənin ja əvoni šymə səhv hisob kardəjon ym šymə probleme, bəzynejon yštən yštə luǧəti nyvyšte. Luǧəti bynyvyštən, cap bykənən, odəmonən əj byvindon u bahandon, pešo šymə luǧət bənə səvoni bəbe. Hələ ki ko žygoje - syxani luǧətədə ni bəbe vote ki vejni əj zynejdənin. Quseйnaqa (no-pegət) 23:55, 21 Ijun 2025 (+04)