Sukoədum
| Taksoni nom | Melanitta  |
|---|---|
| Taksonə səvijə | genus |
| Taksoni nezə penə səvijə | Anatinae |
Sukoədum — gylə pərəndəje.
Cy myvi həmmə əloməton sukoədumədə hestin. Intasi, əv čəmdəkədə myvisə kamiši gədəlije. Cy myvi nomi sukoədum be dəcəj dumi poron šat be angyle. Kəj bili-suko dumi poron bəpej šat bejdən. Yn myvikijən žəǧoj. Nijə sukoədum 800 ǧ., moə gylə 700–750 ǧ. omejdə. Sukoədum bəcəmə tərəfon nez əvəsori – giləvo rost bejədə omejdə. Kavujə məzonədə nyštejdə. De dastə nəvejdə. Sukoədum kam-kam gylə-gylə bənəve.
Šahijə sukoədum
[sərost bykə | kodi sərost karde]Yn myvən bənə sukoədumije. Cəvon arədə fərǧ yme ki, sədəš pəpulə – čyggə heste. Cy šahijə sukoədumi dumi poronən pegardə čon, šatin bəpe. Sədəš pəpulə be goryš bəj šahijə sukoədum jəni – cy pərəndon podšo, šah votejdən.
Tolyšə folklorədə šahijə sukoədumi nom gyləj šeirədə gətə bejdə (Bə dədulə barədə məǧalə dijə bykə). Əjo oško vinde bejdə ki, sukoədum cy pərəndon šahe ki, dədulə de bəti bəcəj nokəti šejdən. Həlbəttə, yn folklore.
Anədə myv-kižə, pərəndon barədə məsəmbe jolonku, cymy dylədə bəvon xysusijə vyrə hestbe. Oxonə 20–30 sorədə myv-kižə, moj-cəke ǧyt be bəmy vej əsər kardejdə. Oxo Tolyši čəmoət moj, cəke, sol, kulmə navko yštə xandəxonədə əgəti. Bo myvi-cyngyri dijəro nəši. Kišvərə nənə 2 teštyš sol-kulmə dingə čujədəš gətəbe. Əǧə (Musa) myvyš soədə žəbe. Gyləj bə kəj və egynijəbe, gyləj bə pešt. 40 sor bənav Myrdovi bə hyšk žəj bo Tolyši boho bə sə oməj. Tolyš moj-cəke, myv-cyngyr nəho, coko bəžije? Hežo yn sutim-sutimon mynyšon məčbur karde, 15 sor bənav by barədə gyləj šeerym nyvyšte.