Tolyšə taryxinə parcəm
| Tolyšə taryxinə parcəm | |
 |
Tolyšə taryxinə parcəm — ǧədimə vaxtonku mandə tolyšə parcəm, kom tosə ysət oko doə bejdə. Tolyšon ym parcəmi bənə taryxinə parcəmi zynejdən. 27 əsron myddətədə ym rəmz zyne bejdə[1].
Parcəmi ruž
[sərost bykə | kodi sərost karde]2 oktjabr cy Tolyšə taryxinə parcəmi ruž hisob bejdə, tolyšon by parcəmi cy «Babəki parcəm» votejdən.
Taryx
[sərost bykə | kodi sərost karde]Parcəmi taryx bə 27 əsr dyrox bejdə u bə 2 gylə dovr: 1) Midijə kišvəri soxte vaxt u tosə hurəmmijon de Babəki vaxt, kejnə ym rəmz tyndə sy rangədə pustədə hozy kardə bejdəbe u «Dirafši-Kaviani» nomyš hestve; 2) cy hurəmmijon de Babəki vaxtiku tosə ysətnə ruž, rəmz ijo hežo sy rangədə mande[1].
Avestadə «drafša» aləmi nom heste, ysətnə tolyšə zyvonədə jəne «do» + «rəvoš», jəne «rəvošinə do», «recinə do» məno dojdə.
Midijə (Mədo)
[sərost bykə | kodi sərost karde]C.e.b. 673 sorədə midijəvyžon jol Kaštariti bə Ašur imperijə hakimijəti əlejh beše, usjon bino kardyše u ənəšykyrə Midijə kišvər soxtyše. Cy Midijə kišvərə aləm «Dirafši-Kaviani» be, pešo əj boštə Əhəmənijon pegətyšone.
Aturopotəkan
[sərost bykə | kodi sərost karde]Makedonijəvyžə Iskəndəri marde bəpeštə podšo Aturopot ironə hykmdoronədə iminə be ki yštə ənəšykyrəti bərpo kardyše taryxinə Midijə zəminədə – Rukə Midijədə, pešo bəj Aturopotəkan votejdəbin. Aturopotəkanədə bənə Midijədə dəvomi sy parcəm oko doj be əzyni[1].