Vəǧ
.jpg)
| Žinə sinife cy | piscivore  |
|---|---|
| Taksoni nom | Ardeidae |
| Taksonə səvijə | xyjzon |
| Taksoni nezə penə səvijə | Pelecaniformes, Ardei |
| Taksoni xəlǧədə nom | hegrefamilien |
| Bino kardə vaxt | 55 million years BCE |
| Code of nomenclature | International Code of Zoological Nomenclature |
| Končo šikilyš heste | Cratere con aironi e rettili |
| Taksoni ərozi | Brazilijə |
Vəǧ — gylə pərəndəje[1].
Vəǧ bəštə lyngon kyrt be gorə əlengonku fərǧ doə pərəndəj. Cəmə kəfšənonədə 6 čurə vəǧ bejdə:
1) dyždə sipijə vəǧ;
2) hyrdə sipijə vəǧ;
3) bozə vəǧ;
4) kurənə vəǧ;
5) zardə vəǧ;
6) ǧəžǧo.
Dyždə sipijə vəǧ
Poronyš həmməj sipije. Gyj peštonoš gədə pəpulə heste. Tykyš sijoj. Lyngonyšən sijoj, angyšton zardin. Nijə gylə kəšon dyrozi 90 sm, moə gyləki 86 sm bejdə. 1160 ǧyrəmikuš gətə, tobə 1700 ǧyrəmi omejdə. Dyjo kənonədə, ov vej bə vyronədə lonə gətejdə. 3 – 4 gylə moǧnə nojdə. Har 2 čins kulok nyštejdə. Mely, mor, morəcəcul, kulmə, morə hardejdə.
Gədə sipijə vəǧ
Poronyš gyrd sipije. Yolə sipijə vəǧisə čalde. Tykyš sijoj. Bynyš zarde. Kəšon dyrozi nijə gilədə 56–57 sm, moə gyləki 57 sm bejdə. Tykyš 9 sm, šyvəkyš 9–11 sm bejdə. 510–610 ǧ omejdə. Gədə sipijə vəǧən mely, gədə kulmə, həšorat, vəzəx hardejdə. Sori dyrozi cəmə xandəxə kənonədə bə gədə sipijə vəǧi rast ome bejdə.
Bozə vəǧ
Cəmə tərəfonədə žijə ən dyždə vəǧe. Pešti rangyš boz (tənujə xoki rangədə), luzi hissəš sipije. Pəpuləš sijoj. Tykyš zard-xaki, lyngonyš havzə zard, cəšon kənoədə gučilijə vyrə havze. Kəšon dyrozi nijə gyləki 84 sm, moə gyləki 1m 10 sm bejdə. Bozə vəǧ 1300 – 1730 ǧ omejdə.
Kuc nykardə pərəndəj. Ovə kənonədə žijejdə. Yštə lonə cy doon bəšədə, lejnon arədə, ǧalinə dəlo-lejnə kulon bynədə dutejdə. Yn vəǧən cə vəǧon hardə cijonədə hardejdə.
Rəšə vəǧ
Bozə vəǧisə ǧədəri hyrde. Poronyš tynd kurəne. Gyj peštono dyrozə poronyš heste. Səj pentonyš ižən gyj poron sijon. Luzi mijonə hissə sijo rangədəj. Səj janon, xyrtə ižən dumi žijədə sipije. Mandə vyronyš boz umžənə kurəne. Tykyš zard-xaki, lyngonyš tynd-xakije. Nijə gylə kəši dyrozi 73 sm, moə gyləki 75–76 sm bejdə.
Kurənə vəǧ 1000 – 1470 ǧ omejdə. Lejnə hyškə xyconədə lonə dutejdə, bəcəj dylə kavujə dəlo, lejnə livon dəvoštejdə. Kurənə vəǧən morə, mor, morəcəcul, vəzəx hardə.
Zardə vəǧ
Poronyš zardləvunin. Sədəš, pešti hissədə dyrozə poryš heste. Kəšonyš, luzi tərəfyš, dumyš sipije. Moə gylə nijə gyləjsə ǧədəri hyrde. Kəšon dyrozi 40 – 48 sm, tykyš 6–7 sm, šyvəkyš 5,5-6,5 sm bejdə, 500 – 600 ǧ omejdə. Xəjmandə pərəndəj. Zijon doə mely-məvuši, bə moj-kulmə zijon doə xyli vəzəxi, čo cijonən surfon məf kardejdə. Ǧyzyləǧazədə vej bejdə.
Ǧəžǧo
Yn vəǧi poron bənə verdyǧi poronin. Peštiku dijə kardejədə lap bə verdy oxšəš dojdə. Tykyš vejən dyroz nij. Xyrtə poronyš sipije. Səj təpədəš sijo poron cijejdən.
Ǧəžǧo cy kagi to bejdə. 800–900 ǧ bome. Kəšon dyrozi 70-74 sm bəbe. Əcəj rang bə sutə dəlo, lejnə, byri rang be goryš əj nyštə vyrədə vinde bejdəni. Bə jolon vote goryš, ǧəžǧo “i gylə” hardənə vəǧe. Guja cəj gužd hardənije.