Zyvonə aktivəti
Zyvonə aktivəti — odəmon u ičtimoi təškiloton hərəkət kom səmtyš heste gyləj vyrədə zyvoni holi ovaxte. Žygo fəoləti bəzyne xəlǧi žimoni čurbəčurə sahonədə zyvoni həxon bə vyrə rosnijero myborizə dəvonije, etnik kamətijon, buminə xəlǧon zyvonon bəjži bej, ozavzije ja ogətej, žygo zyvonon komon gin bej holədə mandən[1]. Maǧyl aktiviston hərəkəton rəjrə de zyvonə sijosəti ko heštyšone, ymoni umžən karde lozim ni, cumcyko zyvonə sijosət cy kišvəri dastədəj, kom bəzyne bə žintono omə təšəbbuson məhəl nynoj.
Aktiviston bəzynen ja umumi de zyvonə holi myšǧol be jaan ki de myəjjən zyvonon, u hətto žəgoən bedə ki odəm ki de kom gyləjsə zyvoni myšǧole yštən cə xəlǧiku ni ja ə zyvoni kom əv bəjži kardejdə əv bənə moə zyvoni zynejdəni.
Vikipedija
[sərost bykə | kodi sərost karde]Tolyšə zyvonədə Vikipedija zyvonə aktiviston soxtyšone, xəjli vaxt cy 2011 soriku bə tolyši pegordynijedəbin. Cənədə ve tolyšə zyvonədə məǧolə bybu, čurbəčurə myžoron təsvir bybun ənədən zyvon obəxavzije, bənav bəše.