Zyvonon bəjži bej
Zyvonon bəjži bej (revitalizasija, həmən bəjži bej ja zyvonon bərpo karde) — zyvonə aktivəti formon, proses, kom dy gylə məno hestyše:
- Mardə zyvoni bəjži karde (jəni žəgo zyvoni kom hic i gylə gəp žəkəsyš mandəni) u əj bə bəjži gylə ovaštynije, hic nybu bənə gədə dastə gəp žə zyvoni pegordynije;
- Hələ bəjžijə zyvoni marde həmuš karde, əmma gədə-gədə gin byə zyvoni, ən cokə holədə žəgo ki, bydə gəp žəkəson ašmard kam nybu, ve bybu u oxojədə bə žəgo səvijə dərəso ki, kejnə bo zyvoni ogətejro məxsusijə ǧyvvon lozim nybəben.
Ym məsəlon həl kardejro čurbəčurə corə bəzne be. Nymunə, kišvər bəjži byə zyvoni bənə rəsmi edaštejdə ja məktəbonədə əcəj dərs doj hukman kardejdə (pešoən de zyvoni təhsil səj). Əmma vejni žygo dəvinon entuaziaston/aktiviston kardejdən u pešo bəzne be kišvər bə əvon dastək dojdə. Bo zyvoni bəjži bej Internetədə zyvoni ve bej dastək kardejdə. Vikipedijən by žygo bəjži bej koədə dastək bejdə, «Vikidərsonə» gyləj žəgo projekte, kom mymkunot dojdə handə materialon soxte čurbəčurə zyvononədə; «Vikiambo» čurbəčurə zyvononədə videofajlon daxyl kardejdə.
Iminə tispirədə ən ovandə nymunə - jahudi zyvone - təmom bəjži byə zyvon, əv 2 həzo sor bə nav mardəbe u čəmi kitobonədə mandəbe u ysət cy kišvəri zyvon byə u bənə moə zyvon hisob bejdə bo million odəmon.
Zyvoni bəjži bej bəbe vote ki vejni əloǧəš heste de xəlǧi myborizə, bo yštə milli-fərhəngə muxtarijəti səjro ja nujə kišvəri soxtejro.
Bo zyvonon bəjži bejro, xysusən girəm xyjzonədə odəmon moə zyvonədə gəp žəjdənin, «zyvonə lonə» cəm oko doə bejdə.