Əvəz Nəsirzodə

Əvəz Nəsirzodə — 1975-minnə sori majə mangi 9-ədə cy Lik rəjoni Mondigo dijədə moəku bəbe. 1992-minnə sorədə Mondigo dij mijonnə məktəbyž de əla ǧyjməton oroxnijəžbe. 1993-minnə sorədə bə BDU filologija fakultə daxil bə be. Həm moə zyvonədə — bə tolyši, həmən bə tyrki šeiron ənyvyštij. Iminnə šeironyž cy “Lerik” gəzeti “Zizə” nomədə bə tolyšə səhifədə dərč bə. Ali məktəbədə handeədə cəj šeiron həxədə, xəlg šairon B.Vahabzadə, N.Həsənzadə xošə syxanonyžon vote. N.Həsənzadə bəj bənəj ǧələmi düsti muračiət kardedəbe.

N.Həsənzodə yštə “Šair zejir-duasy” (Šairi xəj-dyvo) məgalədə Əvəzi həxədən gəvipuri gəp žəže. Šeironyž bənə honijəcašmə pok, bənəj əzəsori zizə, gyləj istedadinə nuperəsi omə ružon barin, bəhrəjn beku xəbə dojdəbe. Ənčəx Əvəz naǧafil noxəšiž pəjdo karde. Šəfož pəjdo nykarde. 1994-minnə sori avgusti 18-ədə yštə cašonyž by dynjo əbədi viž karde. 19 sor žijəj. Deəcəj yštən syxani byvotomon: Dynjoku “nojdon še.” Šeironyž boəmə əmonət mande.