Israil Məmmədov

Israil Məmmədov (8 mart 1959 sor, Kuləton di, Masalu rəjon, Azərbojčoni SSR) — tolyšə muğənni. Masallıje. Tolyšon bə Məmmədov votedən "Tolyšə Bylbyl". Bə tolyši ijən bə tyrki mahnejon handejdə.

Biografijə[sərost bykə | kodi sərost karde]

Israil Fəzlani zoə Məmmədov 8 mart, 1959 sorədə Azərbojčoni SSR, Masalu rəjoni, Kuləton dijədə bə dynjo omə. Ce 1965 soriku tosə 1976 sor ce Kulətoni mijonə məktəbə handyše. Pešo bə hərbijə xydmət še. Ogarde bəpeštə əv bə Lankoni dij-təsərufotə texnikum dəše ijən 1983 sorədə əj oryxniše. 1991 sorədə bə Gənčə dij-təsərufotə akademijə dəše ijən pešo 1998 sorədə ce Azərbojčoni Kišvərə Universiteti filologijə fakultə oryxniše^[1].

Nəčiməsənət[sərost bykə | kodi sərost karde]

Ce 1980 soronku bino kardyše hande. Əcəj iminə kəsset 1981 sorədə beše. Əcəj lirikə mahnejon əvyšon vej nomin kardə hežo Azərbojčonədə ijən čo kišvərondə. 1995 sorədə əcəj iminə musišijə albom ijən disk beše. 2005 sori janvarə mangədə ce kobistonə Tolyši tarixədə ijən azərbojčoni musiǧijə mədənijətədə ijən de Tolyšə mədənijəti Bejnəlxəlǧə Fondi dastəki (Kahin Abilov soxtəše) iminə kərə tolyšə zyvonədə iminə musiǧijə disk beše «Bahand, Tolyši bylbyl». Israil ve tolyšə mahnejon handəše ce tolyšə šairon Xanali Tolyši, Vališahi šeiron əsosədə^[2].