Kavujə pyspysənə (film)
«Kavujə pyspysənə» (ing. Blue Beetle) — ce Amerikə superǧəhrəmonə film, bynəš pegətə byə ce DC Comics komiksonku ce Xajme Rejesi / Kavujə Pyspysənə, soxtəše DC Studios ijən The Safran Companyruen, režiser Anxel Manuel Soto de Garete Danneta-Alkosera ssenarii. Ce «DC» (DCEU) cordəminə filme. Ce Xajme Rejesi / Kavujə Pyspysənə roli bardyše Šolo Mariduenjə; syvo əv filmədə ištirok kardyšone Adriana Brassa, Damian Alkasar.
«Kavujə pyspysənə» filmi premjerə 15 avgusti 2023 sori be, El-Paso (Texas štatədə). 18 avgusti 2023 sorədə əv beše bə prokat AIŠ de Warner Bros. Pictures širkəti.
Sjužet[sərost bykə | kodi sərost karde]
Antarktidə dijəroə bijə byə zəminonədə «Kord Industries» širkəti odəmon de yštə sərdori gen. direktori Viktori Kordi dast-pocə kardejdən ǧədimə čo planetiku omə atrefakt, nomyš bejdə «Skarabej».
By vaxtədə Xajme Rejers bə yštə Palmera-Siti šəhər ogardejdə peš Gotemi huǧuǧšynosəti universiteti oryxne ijən vindejdə ki əcəj xyjzoni ce kəjku beǧandejdən kirə puli nydoj gornə. Əcəj hovə Milagro ko pəjdo kardə bo əj ce Viktorijə imorətədə. Intasi əvoni dyjnən ce kojku beǧandən kejnə Xajme bə imorətədə byə tasybi dəšedə ce Viktorijə ijən Čenni mijono. Čenni xahijš kardə Xajme de əj vindemon karde ce Kord ǧələdə omə ružədə, ce koj barədə gəp žəjš pidə.
Omə ružədə Čenni vindejdə ki Viktorijə Skarabeji oko dojdə bo yštə «I gylə odəmi ləšǧər» (ing. One Man Army Corps / OMAC) projekti. Əv dyzdijedə Skarabeji ijən vite bəpeštə bə Xajme dojdə əj. Kədə ce Xajme xyjzon bə rozi eǧandejdən əj ce Skarabej ǧoti okarde. Kejnə Xəjme dast žəjdə bəj, skarabej aktiv bejdə ijən ičo bejdə de əj ijən bron byə oləti soxtejdə...
Filmi kəše[sərost bykə | kodi sərost karde]
Əsos filmi kəše bino be 25 maj 2022 soriku Atlantə šəhərədə, Wilder Studios stodijədə. Seminə akti kəše dəvardəbin 500-sorinə ǧələdə kom Puerto-Riko šəhərədəj.