Lirikə čur
šojvo bykən, hej, Nəvuzə id omə!
[sərost bykə | kodi sərost karde]
Dərostənən, perostənən yštəni,
Kavu byə bandy-kuon, dašt həni.
Aǧlymandon bə pešnə ko haštəni.
Bə kəvšənon gylgylinə cit omə,
šojvo bykən, hej, Nəvuzə id omə!
Cəmə əǧlon bə i jəndy damedən,
Ašyǧ bedən, ičo židən, camedən.
I syredən, bešedən cy ǧəmədən,
Həmə šeon cy Xydoku git omə,
Šojvo bykən, hej, Nəvuzə id omə!
Ogardəmon bəštə bobon ro həni,
Ro(on) okəmon bə i jəndy so həni.
Bəd mandəkəs yštə pyə zoə ni:
Byzynən ki, ə bə dynjo šit omə,
Šojvo bykən, hej, Nəvuzə id omə!
Fatma nənə šatə dingə pežəni,
Rasən bykəj, bəj hic ki cəš əžəni.
Cy xəlxədə beǧyrjəton bešənin,
Ojo bə gəv həlolədə šyt omə.
Šojvo bykən, hej, Nəvuzə id omə!
Əv ostoro, ə Lankone, ə Like,
Cy Masəllu həvosatən vej poke.
Əvəsori həmə vardə šej coke,
Bə piəmerdon čonən gədəj tat omə,
šojvo bykən, hej, Nəvuzə id omə!
Vakardedə cand gylə ko əməni,
cajə kulon cy kəvšəni səməni.
Tolyš hic vaxt be zəhməti camə ni,
Hakənəj cəj eǧvalyšən šat omə,
šojvo bykən, hej, Nəvuzə id omə!
Ə Kuləton, yn Bədəlon, Ǧyzlyvo,
By tərəfon bədə həvo hic nyvo.
Xydo, byməs tynən cəmə yn dyvo,
Həmə dylon okəj zizə, id omə.
šojvo bykən, hej, Nəvuzə id omə!
Dynjo bo ki xoli-xolcə oǧandə,
Vej odəmi cy aspədə eǧandə.
Xanəliən gyləj šeri peǧandə,
Bo yn ruži əvən kardə šotkomə,
šojvo bykən, hej, Nəvuzə id omə!
Xanəli Tolyš
Ehanə, ym sornə həjkulən žygo dəvarde....!
[sərost bykə | kodi sərost karde]Han zyr-zyr eǧətə həjkule ym ruž,
Har kəsən dyštə həj məšǧule ym rúž!
Im rúž paləniku han ozod bedən,
Həsojbon bəštə han gəv-cərəz dodən,
Dəvondən Tolyšon boštə han idən
Han zyr-zyr eǧətə həjkule ym rúž,
Har kəsən dyštə həj məšǧule ym rúž!
Həjku epotedən kali mu- məlon,
Zəhmətkəš fəǧyr benali mu- məlon.
gyrd kardən həj dumi, jali mu- məlon
Han zyr-zyr eǧətə həjkule ym rúž,
Har kəsən dyštə həj məšǧule ym rúž!
Bə kəfšən vadojdən həj dəcəj kytə,
Sa čur nozə kardən ha bacəj kytə.
Vitdə dəvardedə əj əcəj kytə
Han zyr-zyr eǧətə həjkule ym rúž,
Har kəsən dyštə həj məšǧule ym rúž!
[ Votedən bəcmy čon han ym sor dyvon,
Aspardəmbe əvon bə kali byvon.
Həcovnon pəjdoka deštə han zyvon]
Han zyr-zyr eǧətə həjkule ym rúž,
Har kəsən dyštə həj məšǧule ym rúž!
...dumožən heste
M.likməkani
12.2.2014