Nəriman Aǧazadə

Nəriman Fərmoni zoə Aǧazadə — bə dynjo omə 1963- nə sori sentjabrə mangi 29-də Lik šəhərijədə. Mijonə məktəbədə handeədə bino kardəše šeer nyvyšte. 20 əsri 80-nə soronku dərč bedə cəj ədəbi-bədiiə, elminə, publisistikə nyvyštəjon republikə ijən xaryčə mətbuə organonədə, almanaxonədə, interneti səjfonədə; hande bedə radionədə.

De fərǧonə diplomi oroxnijəše 2001-nə sori cy Lankoni Devlətə Universiteti «tarix-ičtimaijjət» fakultə, 2005-nə sori həminə ali məktəbi «arxeologijə-etnografijə» magistratura.

1987-nə sori Likədə «Toponomik mərkəz» nomədə mərəngo bino kardəkəsonədə gyləjni byə. 1992-93-nə soronədə Liki rajonə gəzeti «ZİZƏ» tolyšə səhifə redaktor byə. 1990-nə soriku "Avesta" čəmijjəti İH-i, AXBP (ATXB) binobeku MK, 1993-nə soriku İH, Respublika Tolyš Mədənijjət Mərəngo uzve. 1994-nə sori cap byə «Tolyši dynjo» kitobədə cəj nyvyštəjon cap bən.

Lankonədə bə fəalijjət dəšə «Rušnə» ədəbiə məčlisədə fəal širkat kardəše. 1984-nə soriku Likədə bešə «Bollug uǧrunda» (Lerik) ružnomədə texniki ko, pešo muxbir ko kardəše. Azərbojčoni žurnaliston ijəti uzve. Liki muxtəlif məktəbonədə tarixiku dərs doəše. Holijədə Lik Šəhəri 1 N°-nə texnikijə təmajulə liseji muəllime.

Tolyšə məholi ibtidai məktəbonədə šeironyž tədris bedə. «By Tolyšə bandonədə» (tolyšə, tyrkə šeiron, B-1999), «Insan axtaryram» (tyrkə šeiron, B-2007)nomədə 2 kitobyž capədə bešə. Nəriman Əǧəzodə xyjzonsojbe. Dy zoə (Babək, Məzdək), iglə kinə (Mehrin) pəje.

Səvonon

• Tolyšon Sədo ružnomə