Numunə:Portal šəxsijəton həftə vyžnijə nyvyštəj

Ernesto Ce Gevara
Movardəružyš — 14 ijun 1928-nə sori.
Movardəvyrəš — Argentina.
Mardəružyš — oktjabr 1967-nə sori 39 sinədə.
Mardə vyrəš La Higuera, Bolivijə.

Ernesto Ce Gevara (isp. Ernesto Che Guevara; 14 ijun 1928 – 9 oktjabr 1967) — argentinavyže masrksist-inglabəkə sijsətəvon. De Fidel Kastro bə i čo Kuba və ijan bejnəlxəlğ inglabi lyvemoni sərdarondə byə. Nomədəš bə “Ce “poə ce Kuba partizanon zyvono bəj doə bə. Ym syxan ce argentinavyžon gəvədə bənəj nezə dusti bə sə dəše bedə.

Ernesto Gevara İspanijə ijan İrlandija bynəku bə xyjzoni 5 gylə əğylonədə həməjsə joltəje. Əv ce Argentina Rosario nomədə šəhərədə moəmo bə. Cəj movardəruži barədə jnyvyštəbə uspurnomədə movardəružyš 14 maje. Ce Gevara ənkə Patrik Linc 1715-nə sori ce İrlandija Gaulej nomədə vyrədə ce moəmo bə. Əv ce İrlandijaku bešə bə İspanijə Bilbao nomədə šəhər, cəjoən bə i sə bə Argentina poš noəše. Ce Gevara ənkə Fransisko Linc 1817-nə, nənəš Ana Linc 1868-nə sori moəku byən. Gaulej Ana Linci zoə ijan ce Ce pyə Emesto Gevara Linc 1900-nə sori ce moəku byən. Gevara Linc 1927-nə sori de Selia de la Serna Ljosa kəxyvand bedən. Cəvədə se zoə, dyglə kinəš bedəše.

Gevara əğylətičo by cəpliə xyjzonədə deštə tikəjən cəpəfaməti səcynjə bedəbe. Diəməkə ki əv tangənəfəs bej astmə noxəšiš hestyše vitemonədə ve cokə vərzyškorbe. Bəcəj žygo xosijəti diə məkə,əv cy regbi hənəki xaxanədə əbi. Bənəj ələvuši hənək əkəj.Hežo by kojro əj de “Fuser” (zijodə haryn hənək karde cəmyš hestbeše Əəve bəj “El Furibundo” syxan bə.Əcəj moə fəmilijə “Sema”-ku pesoxtəšonbe) nomədə ləğəbi zyndəbin. (bə məǧolə dəvard...)