Numunə:Portal Biologiya vıjniə məqalə
Bılbıl
Bılbıl (lat. Luscinia). Jəğo qıləy odəm pəydo karde əbıni ki, bılbıli nızno, ya nıpiyoše əv. Roste, bılbıl Tolıši tərfonədə hejo bedəni, əvəsorədə omedə, çe pozi sıftədə, miyonədə bešedə šedə. Bılbıli poron xakin. Pešti poronıš ğadəri bə siyo ranqi jəydə. Sinə, luzi jiyporon rušinə ranqədən (bə sipi, boz jəydən). Dumıš kamoši dıroze, dumi poron zard-mıxəki ranqədən. Bılbıl hırdə pərəndəy. Çəy tıkiku tobə dumi çəmi 15-16 sm bəbe. Korətən, həšoraton, melı hardedə. Bılbıl višədə, boğonədə, do-kul bey bıə vırədə jiyedə. Çe nızımə toğon, kulon xıçonsə qıləy miyoniyə vırədə lonə qətedə. Aləf, hırdə xol-xıçə, livə, por vardedə lonə dutedə. Bılbıl hakanə ıštə lonə çe bıron arədə zəminisən dutedə. Lonə joğo dəpušındə ki, əy doədə, çe xıçon arədə, zəminisə bıron, aləfon arədə vinde bedəni, yəni cobəco karde bedəni. (bə dumo dəvard...)