Portal Tolyš vyžnijə məǧolə/Arxiv
Tolyši — tolyšon zyvon de azəri zyvoni i nəslədəj, dəj nezə ǧohome. Tolyšon žijedəbin. Tosə səlčugon ome, esətnə İroni xəremədə, Azərbojčoni nysoədə jəni Tolyšistonədə. Pešo Azərbojčonədə žimonbykə tolyšon vejni assimiljasijə bin, gəp žəjdən esət azərbojčoni zyvonədə- tyrkə zyvonədə. Tolyšystonədə tolyšon ašmard kam nišo doə bedə rəsmijə sijahisəjonədə : 200.000 gejri- rəsmi 300.000 nəfər. Əmmo əsyl rostiədə 2.000.000 nəfərisə vejin.
Azərbojčoni territorijədə, ǧərəzi tolyšon, 23 etnikə xəlgon žimon kardedən: ironəzyvonə xəlgonədə- kurdon, taton... iberəgafgazə xəlgonədə: udi, avar, ləzgi... i. č. Tolyšə zyvoni nezə ǧohomonədə gyləjni Nəxçivon vilojəti Ordubadi rajonədə žimon bykə kiliton bən By zyvonədə gəb žə əholi təmom assimiljasijə byə, ymrəžnə azərbojčoni zyvonədə (bə tyrki) gəp žəjdən. Bynədə bə tolyši zyvoni ən nezbə zyvonon zaza ijan kurdonin. Tolyšystonədə, İroni xəremədə məskunbə tolyšon hestyšone çangylə dialekton, šivon... (bə dumo dəvard...)
Tolyši folklor
Tolyši folklorə žanron vejin, çəvonədə gylejən de “Əlolə” syxani bino byə 7 hyččəjnə dysətrə-sesətrə peǧandəjonin. Çy žanri tarix de bə ǧədimə əsron riz kardedə. B.V. Milleri votəjnə, de bə syftənə era 7-6-nə əsron abidə-bə “Avesta” ǧaton bešedə (15) Hežo əloləon dysətr bejən, pešo bə sesətr-çosətrə šeir ogardejən nišo dojdə ki, çanədə ǧədime yn žanr.
Əloləon əslən vəsfi-hal, jəni mərasimə, məišətə nəǧməjin, restə mahnejin: (bə dumo dəvard...)