Tolyšə usjon (1831)

Tolyšə usjon (1831) – 1831 sorədə tolyšon gyləj usjon.

Tolyšə əjoləti əholi bə cari məmuron ijən bə əjolətədə žijə feodalon nav kardə usjon. Ce cari məmuron, xususən ce əjoləti komendantdon, əjolətədə žijə feodalon yštənbəsəti, dijonədə žijə əholi gyvonə vəzijjət, bə xəzinə ijən bə feodalon xəjr gyrdəbə jolə miǧdorədə mukəlləfijəton i.č. bə usjoni bino be səbəb be. Car hukuməti tərəfo dəbyrcynijə bə Tolyšə bəgon, naib ijən məoon norozətionən bə usjoni rəseədə muəjjən rol hənək kardəšbe. Yštə ǧyvvon gyrdə kardə ym ičtimoi grupon, ce əjoləti komendant Ilinskij təgibonku hələm 1826-minə sorədə bə Iron vitə Tolyšə xan Mir Həsən xani bə usjoni rəhbərəti kardero sədo kardyšone.