Kuku
Kuku[1][2] — tolyšə xəlǧi patə xorək.
Etimologijə[sərost bykə | kodi sərost karde]
Tolyšə zyvoniku «ku» - žəj məno dojdə, jəni həmmə kuejedən umžən kardejdən, horedən.
Kuku barədə[sərost bykə | kodi sərost karde]
Kuku tat ja sərin mizisə nojdən bənə dyminə xorəki ja əsosə xorəki. Ironi kali vyronədə kuku bənə coštə xorəki hardejdən de byrzi ja de nuni. Kuku zynejdən həm Ironi, həm Ozərbojčoni tolyšon, čo zəminondə, kišvərondə by kuku mandə xorəkon hestin.
Kuku tispiron[sərost bykə | kodi sərost karde]
Tolyšon kuku čurbəčurə ingredijentonku ijən formonədə patejdən. Iminəni ce xorəki nom pegətejədə kuku hežo bə «vizə kuku» votejdən, cumcyko kuku vejni de vizi patejdən, moǧnə ijən kali torəjon. Hənijən tolyšon patejdən «səvzi kuku» (aləfə/torə kuku), «buməsefə kuku», «bodymčonə kuku», Bə səvzi kuku tolyšon hežo «du kuku»-ən votejdən, cumcyko əcəj dylədə viz ni jəni duje.
Pate cəm[sərost bykə | kodi sərost karde]
Kagi moǧnon, aləfi de nemeki, sijo bibəri, vizi, hərdəm ordə, tytym, ja horə zəfəroni umžən kardejdən. Pešo bə tat kardə byə de rujəni dəsujə byə tovə ekardejdən ijə vomə otəšisə byštejdən. Kuku tolyšon idonədə hukman yštə mizisə nojdən, vəjonədən. Vejni kuku de pylo ičo hardejdən.