Məmmədhusejn Əlijev

Məmmədhusejn Əlijev (25 aprel 1925 sor, Liki rəjoni, Gyrdəsə di) — tolyšə šair, pedagog.

Biografijə

Məmmədhusejn Əlijev 25 aprelədə1925-minə sori ce Lik rəjoni Gyrdəsə dijədə moədə byə. 1940-minə sorədə mijonə məktəbi oroxnijə peštə bə Azərbajčon Muəllimon İnstituti Lankon Pedagoži Texnikomədə təškil kardə Muəlliməti kurs viǧandə bedə. Əvrə sə karde bəpešt muəlliməti təjinat səše. 1946-1949-nə soronədə ADPİ-i tarix-fəlsəfə fakultədə yštə təhsili dəvom kardəše. Ve dəvardəni mətbuatədə de “Gail” təxəllusi məšhur byə. 1954-minə sor ADU filologija-žurnalistika fakultə sə kardəše və yštə bədii ofəjemoni dəvom kardəše. 1947-minə sorədə «Səs verirəm» (Sədo dojdəm) nomədə iminə nyvyštəjyš Liki «Kolxoz jolu» (Kəlxozə ro) ružnomədə dərč byə. 1940-minə soriku cy Liki, Lankoni muxtəlif məktəbonədə muəllim ko kardəše. 1960-minə soriku Azərbajčoni Ənyvyšton İčoəti uzv byə. 1977-minə sorədə de əcəj təšəbbusi AƏİ Lankon zonə šebə obə. Cə ružiku tosbə rəhmət še həmunə šobə məsul kotib byə. Bə nyvyštə ofəjəvoni de šeiri bino kardəše, pešo ǧyjmətinə nəsr əsəron bə ǧələm səše. Cəj «Gajalaryn səsi» (Halon sədo), «Daǧlar oǧlu» (Kuhon zoə), “Torpaǧyn səsi” (Zəmini sədo), “Döjušən illər” (Čangkardə soron) i. č. romanon ijan poveston dərč bən. “Prokuror”, “Ana fərjady” (Cy moə fərjod) i.č pjeson Lankon Devlət teatrədə bə təmšo noəbən. Bə «Azərbajčoni fərhəngi xadim» fəxri nomi və kali medalon lajig vindəbə. Əv ce AƏİ Lankon zonə šebə organ byə «Šəfəg» žurnali təsisəkə, ijan redaktor byə. Jolə ədibi 16.07.1994-minə sorədə yštə dynjo dəgiš kardəše.