Mirzəjev Šahverdi

Mirzəjev Šahverdi Allahverdi zoə (2 janvar 1929 sor, Tangəru di, Lankoni ǧəzo — 5 dekabr 2007 sor, Taškənt, Uzbəkistan) — kolxozəkə, «Nujə ro» («Novıй putь») kolxozi koəkə, Sosializmə Zəhməti Ǧəhrəmon (1948).

Biografijə

2 janvar 1929 sorədə tolyšə xyjzonədə Tangəru dijədə bə dynjo omə.

Surgun

1937 sorədə SSRI Sovnarkom tolyšon surgun karde ǧəror bekardyše (Azərbojčoni marzi nezi žijə odəmon surgun) u Surǧə de yštə xyjzoni ičo surgun kardyšone. Xyjzon cy Gazaxston SSRi Nyso-Gazaxystonə (1939 soriku Čambulə) vilojəti Cujskij rəjonədə vyrəbəvyrə kardyšone (ysət Gazaxystonə Respublikə Žambylə vilojət).

Hande u ko karde

Di məktəbədə 7 sinifyš oryxni, u 1944 soriku kolxozədə ko kardəbe, pešo «Nujə ro» kolxozədə hisobəkə be; 1947-nə soriku — cəǧyndejəvonə ǧysmi joljəti kardəbe.

1947 sorədə de əcəj joljəti cəǧyndejəvonə ǧysm 2 hektariku 813 sentner šəkərə cəǧynde gyrdə kardyše u cy zəmini 4 hektariku — 583 sentner. By šoninə zəhməti gornə əv 1948 sorədə Sosializmə Zəhməti Ǧəhrəmon rytbə səše u Lenini orden de «Cin u Cəkuč» ǧyzylə medali došone.

1951 sorədə Novotroitski mijonə məktəbi oryxniše u bə Alma-Ata huǧuǧšynosə institut ǧəbul be. Kurdaj šəhərədə polisədə jolə mystəntyǧ ko kardəbe.

1964 soriku Taškəntədə žijedəebe, milisijədə ko kardəbe tosə bə pensijə beše vaxti.

5 dekabr 2007 sorədə marde. Taškənti tybəsoədə dəkandə byə.

Xotirə

Gazaxystonədə Tole Bi dij Mijonə parkədə «Šərəfi Čadə»-ədə əcəj bust noə byə.

Myždijon

• Sosializmə Zəhməti Ǧəhrəmon
• Lenin orden (28 mart 1948 sori hykm, medal № 1517, Lenini orden № 70163)
• «Cin u Cəkuč» medal (28.03.1948)

Ədəbijot

• Qeroi Soцialistiçeskoqo truda po polevodstvu Kazaxskoй SSR. — Alma-Ata, 1950. — 412 s.