Numunə:Portal Şəxsiyyəton vıjniə məqalə
Daniel Defo
Daniel Defo- qujd əhvat iyəm şam soxtə fabriki xıvand bə Ceyms Fon nomədə merdi xıyzonədə 1660 –nə sori çı moəmo bə. Çəy perəsə xıyzoni odəmon çı puritan iyən de dissenteron dini –fəlsəfə həmrəğbin. Defo puritan ruhani akademiyədə hande-hande,bı dini veyən həmrəğ nıbe. Əy həməsə vey savdıkorəti kardeş pidəşbe. Bı koədə çand bəjən luç bəbe,bə çand qılə ğarzxıvandi ğarzoxo mandeku,çı polisonku nio bey tovədə mandəbe.
De ədəbiyati həşemoni 1697-nə sori ıştə səş ğalış kardəşe. Defo ıştə iminə nıvıştəyonış de jurnalistikaş binoş kardəşe. Çı lohiyon (ing. An Essay upon projects) barədə dəvinə kardə əsərədəş kali iqtisadi,içtimai islahaton dəvonye bə miyonış noşe,çəyoən bə vətəndoş ozodoəti dair vəslonış nıvışdışe.
Daniel Defo 1685-nə sori bə kral Yokovi və çı hersoq Monmuti kardə canqi omujən bedə. Bı canqədə Monmuti ləşkər dəboxtə,kral bəvon bac omedə. Peş bı canqi Defo niyo be tovədə mandə.(bə dumo dəvard...)