Səttar Bəhlulzodə
Səttar Bəhlulzodə (bitovə nom: Səttar Bəhluli zoə Bəhlulzodə) - Ozorboyconi rəssamə məktəbi ən qorkinə nımoyəndənədə qıləy,Ozorboyconi okodoə incəsənəti xodim (1960), Ozorboyconi xəlğı rəssam (1963), Ozorboycon SSR dövləti mıkofoti lauriat (1972).
Jimon[sərost bykə | kodi sərost karde]
Səttar Bəhlulzodə 15 dekabr 1909 - nə sorədə çı Boku Əmircan diədə moəku bə. 1927-ə sorədə rəssoməti məktəb, 1931-i sorədə Ozorboyconi rəssomə məktəb, 1933 - ə sorədə sə Moskovə dövlət rəssomə institut ğəbul bə. 1941-ə sorədə V.İ. Surikovi nomədə Məskovə rəssoməti insitut orxinyə.
Məhşurə rəssamon V.A.Favorski iyan Q.M. Şaqalin tələbə bə. Bə ofəyomonəti "Kommunist" rujnomədə dı Əzim Əzimzodə yoliəti omə. 1931-1933-ə soronədə bə dövri həxədə karikaturaj çap kardə bə.
Səttar Bəhlulzodə dı kərə sə okədoə pərçəmi ordeni iyan dı medalon təltif bə.
Əsəronıj R.Mustafayevi nomədə Ozorboyconi dövləti incəsətə muzeyədə iyan Ozorboyconi dövləti şikilə ğalereyədə, jəqoən Məskovədə iyan co şəhəron muzeyonədə oqətə bedə.
Bəhlulzodə 14 oktyabr 1974 - ə sorədə Məskovədə vəfot şə.Əmircani diədə bə xok aspardə bə, çəy ğəvi səpi abidə rost kardəjone.
Mıkofotonıj[sərost bykə | kodi sərost karde]
Ozorboycani SSR dövləti mikofoti lauriat-1972 [1]
Ofəyəmonıj[sərost bykə | kodi sərost karde]
Məskovədə oqardə bə peştə çı Bəhlulzodə ofəyəmonətiədə tarixi mövzuon iyan tarixi şəxsiyyəton təsfir ("Boboki üsyon"."Fətəli xan", Xəttot Mir Əli iyan co.) məxsusi vırəj qətə.
Daveku bə peşo soronədə Bəhlulzodə çı Abşeroni natə mədənon,bog iyan dion təsfir kardə rəsmonij kəşə.
Çı Bəhlulzodə ofəyəmonədə bə təbiəti təsfiron şe-şe marağ zümand bə,çə çənzəron janrədə həniyan çokə əsəronıj ofəyə kardə. 1946-1947-ə sorədə soronədə çı Respublikə bədiə sərqionədə Bəhlulzodə bə Abşeroni aid əsəron ("Bızovnədə natə mədənon", "Əmircan iyan co.) nişo doə bə.
Çı Bəhlulzodə ve zəhmətinə ofəyəmoni məhsul bə "Kaspo səpe şəv", "Əbədi məşəlon" , "Kəpəzi çaşə arson", "Vətəni bahar", "Ozorboyconi nəğıl", "Suraxani atəşgah", "Əfsonə zamin", "Şahnəbot", "Nəxçivan", "Şamavəsəy Ordubadi boğonədə", "Bokuədə otəşfoşonəti", "Qudyala ru", "Əmircon", "Natə sığon" iyan co əsəronıj əsas vırə qətedə. Əçəy mənzəron-peyzajonədə, intimə-lirikə natrünotonədə, çı xolçə reçınə ornomenton dəçınyənon əks kardə xəlği ofoyomonəti motivon hiss karde bedə. Çı Bəhlulzodə məxsusə sərgion Əlcəzair, Misir, Livon, Suriya, Tunis, Norvec, ADR, Kuba, Finlandiya,Fransa, Yaponiya iyan dınyo çandə co dövlətonədə edoştə bən.
Dınyo çandə qılə muzeyonədə çı Səttar Bəhlulzadə əsəron daima eksponat hisob bedən.
Filmoqrafiya[sərost bykə | kodi sərost karde]
1. Toğrul Nərimanyov (film 1966) - İştirak (Kırtəmetrajə sənədinə tilviziya film)
2. Im Səttar Bəhlulzodəye (film 1969) - İştirak (Kırtəmetrajə sənədinə tilviziya film)
3. Se hekayə (film 1974) - Arxivi kadron (Kırtəmetrajə sənədinə tilviziya film)
4. Səttar Bəhlulzodə (film 1988) - Arxivə kadron (Kırtəmetrajə sənədinə film)
5. Oxınnə dərviş (film 2009)