Vusal Husejnov

Vusal Jəhja zoə Husejnov — 10 Ijun 2001-nə sorədə çe Lankon rəyoni Velədi diyədə moəo bıə. 2007-2016-nə soronədə Lankon şəhər 8 numrəninə miyonə mktəbədəş handə. 2016-2018-nə soronə Lankon Texniki Kolleci maşinərom-mexanikə ixtisosiro təhsil sedə. 2019-nə sorədə Lankon rəyon Hərbi komisarəti tərəfo bə həğiğiyə hərbi xıdmət sədo kardə bedə iyan Devlət Sərhəd Ğoşunon "N" soyinə hərbiyə poə vığandə bedə.

Ozərboyconi Ləşqəri Sərhəd Ğoşunon sərboz bıə Vusal Huseynov 2020-nə sor sentyabrə manqi 27-də bino bıə II Qarabaği canqədə iştirok kardə. Zənqiloni ozodəti roədə şə canqədə yolə ğəhrəmonəti nuşo doedə. Noyabrə manqi 8 2020-nə sorədə Zənqilon rəyonədə bıə 811.0 bılındəti ıstığomətədə şə canqədə şəhid bedə. Şəhidi nəşe bə Lankon vardən iyan de yolə izdihominə bə zamin aspardən.

Çe Prezident İlham Əliyevi sərəncomi əsosən, Vusal Huseynov marde bəpeşt de "Vətəni roədə", de "Bo iqidətiro" iyan de "Bo Zənqiloni ozod bero" medalon təltif kardə bedə.