Zəngi jarym
Zəngi jarym — tolyšə xəlǧə mahneje.
Tarix[sərost bykə | kodi sərost karde]
Mahne ce tolyšon gəpžə folklorə nəčiməsənəti nymunəje. Tuki kaštejədə tolyšə kinon əj əhandin. Ym vaxt ǧədimijədə idə hodisə hisob əbi. Mahne hežo ce kinon pije nišon kardejdə bə yštə pəvandijon komon bo yštə pəvandi əzynin ružə gəte.
«Zəngi» ce tolyšiku «ovədə ovšumi vinde» məno dojdə, ijən «zəngi» bənə «de rušnə per byə ovšum», «cicsə de rušnə pur kardə byə» mənoš heste, əmma «jar, jarym» — pəvandi, pijə odəm.
Ifo kardej[sərost bykə | kodi sərost karde]
Iminə kərə bə hovužə čəmijəti ym mahne XX əsri 60-minə soronədə edaštyše SSSR xəlǧi artist Rašid Bejbutov. Ym mahne hənijən ifo kardəšone Ašrafov Balaoǧlən, Mamedov Israil[1], ijən Agaev Faik[2]..
13 fevrali 2021 sorədə sifrə mərəngonədə bešə singl «Zəngi jarym» - indi versijə, tolyšə xəlǧə mahne indi versijə. Mahne handyše tolyšə indi-musiǧiəvon Rustəm Məmmədov. Klipədə ce «Žimoni do» 1998 sori tolyšə filmiku kardon pegətə byəbin.
Mahne syxanon[sərost bykə | kodi sərost karde]
Ce mahne tolyšə mətn edaštə byəbe 1975 sorədə ce A.Isazade ijən N.Məmmadova «Xəlǧə mahnejon ijən raxsə tiringon»[3].
| «Zəngi jarym» mahne syxanon |
|---|
| Dastədəm tovə,
Cymy gədələ hovə, Boj məkə lovə.
Zəngi jarym, Zəngi jarym, Əčəb xoš range.
Šərəboni, Tukəzi həmro.
Cymy xanymə vəju, Cynedə əju.
Šərəboni, Tukəzi həmro.
Zəngi jarym, Əčəb xoš range.
Cymy gədələ hovə, Byvyšt xolcə səpe.
Zəngi jarym, Əčəb xoš range. Nənə bəšty ǧybon Fərəboni, Šərəboni, Tukəzi həmro.
Zəngi jarym, Əčəb xoš range. Dastədəm tovə, Ha ty cymy nokə, Yštə šymon takə.
Zəngi jarym, Əčəb xoš range. Nənə bəšty ǧybon Fərəboni, Šərəboni, Tukəzi həmro. Zəngi jarym, Zəngi jarym, Əčəb xoš range. |
Linkon[sərost bykə | kodi sərost karde]
- Rəšid Bejbutov «Zəngi jarym» handejdə
- Mahne handejdə «Zəngi jarym» Baloǧlan Əšrəfov
- Israil Məmmadov «Zəngi jarym»
- Faig Əgəev «Zəngi yarym»
- «Zəngi jarym» idni versijə handejdə Rustəm Məmmadov
Ədəbijot[sərost bykə | kodi sərost karde]
- Isazade A, Məmmadov N. Xəlǧə mahnejon ijən raxsə tiringon = Xalq mahnıları və oyun havaları. — Baku: Elm, 1975. — 100 s.
- Fərzievə S. Azərbaycanın cənub-şərq bölgəsinin «Halay» rəqs-mahnıları. — Baku: Mütərcim, 2014. — 216c.
- Abilov A. Azərbojčoni xəlǧon ədəbijoti antologijə = Bir Xalçanın İlmələri Azərbaycanda yaşayan xalqların ədəbiyyat əntologiyası. — Baku: MBM, 2008. — 288 s.
- Babaev R. Həzo ijən i gylə mahne = Min bir mahni. — Baku: El-ALliance, 2001. — 511 s.
Səvonon[sərost bykə | kodi sərost karde]
- ↑ ATİŞ TV. "Bahand Tolışi bılbıl, Bahand İsrail Məmmədov". YouTube. 2020-07-26. İstifadə tarixi: 2021-08-16.
- ↑ Vuqar İmanov. "Faiq Aqaev predstavil talışskuю narodnuю pesnю Zanqe yarım". Trend.az (az.). 2016-10-17. 2021-08-16 tarixində arxivləşdirilib. İstifadə tarixi: 2021-08-16.
- ↑ Isazade A, Məmmadov N. Xəlǧə mahnejon ijən raxsə tiringon = Xalq mahnıları və oyun havaları. — Baku: Elm, 1975. — 100 s.