Əlijevə Suǧrə Rəhməni kinə
Əlijevə Suǧrə Rəhməni kinə (1928 sor, Kuləton, Lankoni ǧəzo, (čo məlumot — Tangəbyn di, Zuvandi rəjon), Azərbojčoni SSR, SSRI — marde vyrə u taryx zyne bedəni) — kolxozəkə, «Nujə ro» («Novıй putь») kolxozi koəkə, Sosializmə Zəhməti Ǧəhrəmon (1948)[1].
Biografijə
[sərost bykə | kodi sərost karde]Əlijevə Suǧrə Rəhməni kinə 1928 sorədə dijovyžə xyjzonədə bə dynjo omə. Millətyš tolyše.
Surgun
[sərost bykə | kodi sərost karde]1937 sorədə SSRI Sovnarkom tolyšon surgun karde ǧəror bekardyše (Azərbojčoni marzi nezi žijə odəmon surgun) u Surǧə de yštə xyjzoni ičo surgun kardyšone. Xyjzon cy Gazaxston SSRi Nyso-Gazaxystonə (1939 soriku Čambulə) vilojəti Cujskij rəjonədə vyrəbəvyrə kardyšone (ysət Gazaxystonə Respublikə Žambylə vilojət)[1].
Fəolijət
[sərost bykə | kodi sərost karde]1941 sorədə 13 sinədə bə Cujskuj rəjoni, Čambul vilojəti «Nujə ro» kolxozi dəše. Sojə kolxozəkə ko kardəbe, hi idorə kardə brigadədə ko kardəbe.
1945 sorədə cəǧyndejəvonə ǧysmi joljəti kardəbe. 1947 sorədə de əcəj joljəti cəǧyndejəvonə ǧysm 2 hektariku 815 sentner šəkərə cəǧynde gyrdə kardyše.
28 mart 1948 sorədə de SSRI Penə Šurə Prezidiumi hykmi 1947 sorədə cy gandymi, pambə, šəkərə cəǧynde u kyrcymi barzə məhsul gyrdə karde gornə bə Suǧrə Sosializmə Zəhməti Ǧəhrəmon rytbə təjin kardyšone u Lenini ordeni de «Cin u Cəkuč» ǧyzylə medali došone[1].
1950 sorədə sojə cəǧyndejəvonə žen ko kardəbe.
Xotirə
[sərost bykə | kodi sərost karde]Gazaxystonədə Tole Bi dij Mijonə parkədə «Šərəfi Čadə»-ədə əcəj bust noə byə[1].
Myždijon
[sərost bykə | kodi sərost karde]- Sosializmə Zəhməti Ǧəhrəmon (28.03.1948)
- Lenin orden (28.03.1948)
- «Cin u Cəkuč» medal (28.03.1948)
Ədəbiojot
[sərost bykə | kodi sərost karde]- Qeroi Soцialistiçeskoqo truda po polevodstvu Kazaxskoй SSR. Alma-ata. 1950. 412 str.
Səvonon
[sərost bykə | kodi sərost karde]- ↑ 1.0 1.1 1.2 1.3 Alieva Suqra Raxmanovna Saйt «Qeroi stranı».