Boris Jeltsin
Boris Jeltsin (Borís Nikoláevic Élьцin, 1 fevral 1931 — 23 aprel 2007) — Urusijəti iminə prezident.
Biografijə
[sərost bykə | kodi sərost karde]Cy Urusijəti Sverdlovsk ysətnə Jekaterinburg šəhərədə bə dynjo omə. Əcəj pyə ərbob byə bəcəj goroš əj dyzzu bə Sibir vyǧandəšone. Cy Jeltsini əǧyləti Permədə dəvardə. Pešo 1950-minə sorondə əv Kirov Texniki institutədə handəše.
1961-minə sorədə bə Kommunist partija dəšə.
1963-minə sorədə əj cy Sverdlovsk əjaləti deputat səcynjəšone.
1976-1985-minə soronədə Sverdlovsk rəhbər byə. 1976-minə sorədə bə Sovet Ibemoni Sijasi Biro dəšə. 1978-1989-minə soronədə əv cy Sovet Ibemoni deputat byə.
12 ijun 1991-ədə Jeltsini cy Urusijəti 1-minə prezident vyžinijəšone. 19 avgust 1991, 21 sentjabr 4 oktjabr 1993-ədə bəcəj vəjnə inǧylobon bin. Inǧylob kardəkəson cy Jeltsini prezidentətiku eǧande, Sovet Ibemoni ižən ofajə kardəšon pidəšonbe. Har 2 inǧylobədə Jeltsin barydše, hakimijətədə mande.
1996-minə sorədə cy Urusijəti ləškəron cy Həšipemə Almanijəku bekardyše. 11 dekabr 1994-ədə əv bə Cecenistoni ləšǧər vyǧandyše. Cə vaxtiku Cecenistonədə čang kardyše.
16 ijun 1996-ədə əj 2-minə kərə prezident səcynjəšone. 1996-minə sorədə əv cy Urusijəti ləškəron cy Cecenistoniku bekardyše.
31-dekabr 1999-ədə yštə həmmə səlahijəton bə vaxtinə jolə nazir Vladimir Putini doše. 23 aprel 2007-minə sorədə Məskovadə cy dyli noxəšiku marde. 2 gylə kinəš hestyšbe.