Pənčəli Tejmurov

Pənčəli Tejmurov (24 mart 1981 sor, Azəru di, Ostoro rəjon, Azərbojčoni SSRI — 03 aprel 2016 sor, Ǧərəboǧ, Tərtər)— Azərbojčoni ləšǧəri gizir.

Həxədə

Nurməhəmmədi zoə Pənčəli Tejmurov 1981-minə sori 24 martədə Ostoro Azəru dijədə moəku bə. 1986–1998-minə soronədə Ostoro rajoni B.Rustəmov nominə Asxanakəron tam mijonə məktəbədə mijonə təhsil səše. 1999-minə sorədə Ostoro Rajon Hərbi Komisarəti əj bə həgigi hərbi xidmət va kardedə. Hərbi xidmətədə bə “kəšfijatci” pešə sojb bəpeštə, hərbi hissə ən nominə kəšfijjatəvon bedə. Hərbi xidməti bə sə žə bəpešt, deštə pijəj ištə sərbozəti, tožə onə bə “Azərbojčoni Xysusi Təjinati Ǧuvvonədə kəšfijjatavon-diversant taborədə dəvom kardedə. 17 sor Azərbojčoni ləšgərədə de šərəfi xidmət kardedə.

Pənčəli Tejmurov 2013-minə sori avgustə mangədə kəxyvand bedə. Əmmo Pənčəli həminə vəjədə ymoni boštəro noč, orzu kardejdə: "Duston, kali čijon hestin ki, əvon čəmə dastədə nin. Əmmo az dylisyxti votedəm. Ha zaman, ha an boštə millətiro, boštə zaminiro, Vətəniro yštəyštə čoniku, yštə xuniku davarde hozym. Hežo bəštə orzu kardəme ki, boštə Vətəniro šəhid bybüm, cymy tabut bə Azərbojčon Respublika seranginə, ovšumə-astovəjnə pərčəmi pepuštə bybu".

Gizir Pənčəli Tejmurov 2016-minə sori aprelə daveədə Ozarbojžoni-Ermənistani təmosə rijədə, Tərtəri səmtədə de dyšmeni bə čang dəšedə, deštə čangə duston - Murad Mirzəjev, Samid Imanov, Muhud Oručovi bəivrə Tolyš nominə bylindijon ozod kardeədə ijən Tolyšədə xəjli dyšmeni məhv kardeədə šəxsi igidəti nušo doəše, 3 aprel 2016-minə sorədə de dyšmeni dessə oxoj čang kardekarde, bənə ğəhrəmani šəhid bə.

Apreli 11-də Pənčəli Tejmurov Ostoro Əzərud dijədə bə zamin aspardə bedə. Dəfn mərosimədə cand həzo inson širkət kardedə ki, cəvon dylədə šəhidi sərbozə həmron ijan zabitonən hestbin.

Pənčəli, hərbijə aspardon cok ijən vaxtədə bə vyrə rosne səbinə de xəjli čangə mukafaton, medalon təltif bedə, əmmo ən jolə mukafati 2015-minə sori 24 ijunədə səjdə. Həminə ruži əv de Prezidenti Sərənčomi "Bə igidəti" medali təltif bedə.

Aprelə mangi čangədə əčəj nušo doə bemisilinə šučaət cy nəzəro bə kəno mandedəni, de Azərbojčon Respublika Prezidenti Sərənčomi šəhid gizir Pənčəli Nurməmmədi zoə Tejmurov, peš foti “Bo Vətəniro” medaly təltif bedə.