Əmir Əjubzodə
| Əmir Əjubzodə | |
| Movardə taryx | |
|---|---|
| Movardə zəmin | Zəvilə di, Lankoni rəjon |
| Mardə taryx | (56 sinədə) |
| Millət | tolyš |
| Faolijət | ənyvyšt, šair |
Əmir Əjubzodə (9 aprel 1953 sor, Zəvilə, Lankoni rəjon — 5 dekabr, 2009 sor, Zəvilə, Lankoni rəjon[1][2]) — tolyšə ənyvyšt, miəllim, šair, nasir, žurnalist, tolyšə folklori gyrdə kardəkəs.
Biografijə
[sərost bykə | kodi sərost karde]09 apreli 1953 sorədə bə dynjo omə Lankoni rəjoni, Zəvilə dijədə. Əcəj pyə bə rəhmət še kejnə Əmir 5 siinnədə be u kəj həmmə koon cy Əmiri moə Gamar-xanymi amonsə mandin. Gamar-xanym xyjzoni ogətejro šəvy-ruž tukədə byrz perosnijedəbe. Əve Əmir vejni de yštə nənə Əǧənisa jol bedəbe, əcəjku ve nəǧylon, əfsonon məsedəbe.
1970-nə sorədə məktəbyš Mədo dijədə oryxnijə, pešo 1974 sorədə Bokuədə urusə zyvoni ijən ədəbijoti M.F. Axundovi institutyš oryxni. Instituti oryxnije bəpeštə əv yštə dijədə dərs doəše.
Ofəjevonəti
[sərost bykə | kodi sərost karde]Čyvonə vaxtonu respublikə mətbuotədə yštə hikojon ijən šeiron cap kardejdəbe. Əmir yštə iminə šeiri "Bandon" cy Masalu "Caǧyryš" ružnomədə cap kardəšbe, kejnə hələ 9-nə sinifədə handejdəbe. Nəsr nyvyšte iminə kərə institutədə handə vaxtonədə bino kardyše. Əcəj gyləj hikojə "Kapitan" 1977 sorədə bə vərxyši myžorədə kešədə hilyš səj bənə "Sori ən cokə hikojə"[3].
Yštə dijədə ko kardejədə əv urusə zyvoni ijən ədəbijoti miəllim be, u yštə təjlijə vaxtədə hežo de ofəjevonəti məšǧul bejdəbe. Pešonə vaxtonədə yštə əsəron se zyvonədə nyvyštejdəbe — bə urusi, tyrki ijən tolyši. Yštə hikojonədə, povestonədə ijən romanonədə əv sojə tolyšon barədə votejdəbe, cerə əvon yštə tolyšə xəlǧi rosbemoni roədə dastpocə kardejdəbin, əcəj zyvoni, mədənijəti roədə. Əcəj povest "Ǧysos" bə əcəj hikojon ijən poveston kitob dəǧandə byəbe, čyvonə tolyšonku votedəbe komon Dyminə Dynjo čangədə ištirok kardejdəbin. Həminə vaxtədə əv "Tolyšə xəbon" ružnomə redaktə kardejdəbe, končo əcəj žurnalistə istedodi vinde bejdəbe. Cy "Tolyši sədo" ružnomə iminə numrə redaktor be. Hežo "Tolyši sədo" ružnomədə de "Əmir" imzo yštə hikojon edaštejdəbe[4].
1980-nə soronədə Əmir cy "Avesta" mədənijə čəmjəti soxtəkəsonədə be. Ym čəmjət iminə gylə be ki žygo gylonədə kom 1920-nə soron bəpeštə tolyšə mədənijəti umute u bərpo karde roədə ko kardəbe[3].
Azərbojčoni ənəšykyrəti səj bəpeštə, urusə zyvoni saaton məktəbonədə kyrt bin, Əmir yštə ko, pulyš gin karde. Məčbur be bo yštə xyjzoni si kardejro čurbəčurə vyronədə ko karde. Žygo ko karde nətičədə əcəj zəifə bədən nyzynəše durum harde ijən əv noxəš gyni ijən pešo hic bə səpo mande nyzynəše.
Bibliografijə
[sərost bykə | kodi sərost karde]Hikojon
[sərost bykə | kodi sərost karde]- Cilinə kaǧ
- Bəmynən čyz?
- Xusus
Səvonon
[sərost bykə | kodi sərost karde]- ↑ УШЕЛ ИЗ ЖИЗНИ АМИР АЙЮБЗОДА
- ↑ БЫБАМАМОН БО АМИРИ, БЫБАМАМОН БО ТОЛЫШИ!
- ↑ 3.0 3.1 Barət Gasymov. "Uspexov tebe Amir" ("Ovand bybi Əmir"). - Talyšskij Vestnik (Talışskiй Vestnik). - № 4 (13) oktjabr-nojabr. - 2003. - Məskova. - S.4.
- ↑ "Tolyši sədo" ružnomə, 1991 sor, səh 3