Portal Biologijə vyžnijə məǧolə/Arxiv
Sipijə Bət (lat. Anser čaerulesčens) — deštə sipijə poron bə kəj sipijə ǧazi mandedə. Cy bəti poron həmməj sipin. Dumi jolə poron sijon. Lyngonyš syje, cangonyš bə sipi mandedən. Tykyšən syje. Kəšon dyrozi 80-98 sm bedə. Nojabr, dekabrədə omedə bə Ǧyzyləǧaz. Zomsoni ijo dəvonedə. Taxyl byə vyronədə boštə hardemon pəjdo kardedə. Cy gandymi čyvonə livon hardedə. De dastə pəredən. (bə dumo dəvard...)
Myv (lat. Anas platjrhjnčhos) — cy tolyšon ən vej pijə pərəndəj. Myvi barədə gəp žəjedə bəpe cy nijə gyləku čo, moə gyləku čo gəp byžəni. Boci ki, cəvon poron arədə zəmon-osmon fərg heste. Cy nijə myvi sə, gyj penə hissə viriski doə kavu havze. gyjədəš sipijə halǧə heste. cylandonəš, sinəš, janonyš tynd rəše, dumi žijədə sijo, luzyš rušinə boze (tənujə xoki rangədəj). Kəšə byni poron sipin. Dumi poron 1 ja 2 git bənə mujəxoli pepuštə čoje. Lyngonyš syn. Tykyš pane. (bə dumo dəvard...)
Bylbyl (lat. Lusčinia) — žəǧo gyləj odəm pəjdo karde əbyni ki, bylbyli nyzno, ja nypijoše əv. Roste, bylbyl Tolyši tərfonədə hežo bedəni, əvəsorədə omedə, Cy pozi syftədə, mijonədə bešedə šedə. Bylbyli poron xakin. Pešti poronyš ǧadəri bə sijo rangi žəjdə. Sinə, luzi žijporon rušinə rangədən (bə sipi, boz žəjdən). Dumyš kamoši dyroze, dumi poron zard-myxəki rangədən. Bylbyl hyrdə pərəndəj. cəj tykiku tobə dumi cəmi 15-16 sm bəbe. Korətən, həšoraton, mely hardedə. Bylbyl višədə, boǧonədə, do-kul bej byə vyrədə žijedə. Cy nyzymə toǧon, kulon xyconsə gyləj mijonijə vyrədə lonə gətedə. Aləf, hyrdə xol-xycə, livə, por vardedə lonə dutedə. Bylbyl hakanə yštə lonə Cy byron arədə zəminisən dutedə. Lonə žoǧo dəpušyndə ki, əj doədə, Cy xycon arədə, zəminisə byron, aləfon arədə vinde bedəni, jəni čobəčo karde bedəni. (bə dumo dəvard...)