Tolyš-Myǧonə Muxtarə Respublikə
| Soxtə taryx | Ijun 1993  |
|---|---|
| Rəsmi zyvon | Tolyšə, Azərbojčoni zyvon |
| Dynjo hissə | Asijə |
| Kišvər | Azərbojčon |
| Inzibotijə mərəngo | Lankon |
| Gəp žə zyvon | Tolyšə, Azərbojčoni zyvon |
| Ohašte taryx | Avgust 1993 |
| Official religion | Islam |
Tolyš-Myǧonə Muxtarə Respublikə hežo Tolyšistonən votedən[1] — muxtarə respublikə cy Azərbojčonə Respublikə dylədə, kom 1993 sorədə ijunə mangədə cy haft gylə[2][3][4] rəjoni dylədə elon kardə byəbe (Ostoro, Lankon, Vərgədiz, Masalu, Čəliləbad, Biləsyvo rəjonon). Idorə bejdəbe de 704-minə numrə sərvozə brigadə, cy brigadə štab Lankonədə be, komadir Mikajyl Hačyjev be. 1993 sori avgustə mangədə vylo be. Cy 2018 sori ijuli 15-ku čyvonə aktiviston dastə ičo de Ələkrəm Hummətovi cy Tolyš-Myǧonə Muxtarə Respublikə kišvəri soxtyšone myhočirətədə[5].
Navtaryxi
[sərost bykə | kodi sərost karde]«Perestrojka» soronədə tolyšon akti ištirok kardəbin Lankoni millijə čəbhədə bo perestrojka, pešo əv bə Azərbojčoni Millijə čəbhə dəše, soxtəkəsonədə gyləj cy Lankoni avtoinšener be, pešo əv Azərbojčoni ləšǧəri polkovnik Ələkrəm Hummətov. 1989 sorədə de Hummətovi u tolyšə šairi Əli Nasiri təšəbbusi bə Millijə čəbhə Lankoni šobə programma tolyšə rəjononədə muxtarijəti soxte nizamnomə dəǧandə be[6].
11 janvar 1990 sorədə Azərbojčonədə šurə əlejh vəlvəlonədə Hummətov Milljə čəbhə buminə šobə sərdorətijədə faktik Šurə hakimijəti Lankonədə dəryžniše u 10 ruži myddətədə šəhəri jol be, pešo šurə həxi mydofijə organon tərəfiku həbs kardə be.
I vaxtədə «Tolyšə millijə intibohi partijə» soxtə byə, 1992 sori ijunə mangədə iminə ǧurultaj dəvoniše u partijə nom nošone «Tolyšə millijə partijə». Pešo, cumcyko Azərbojčoni rəsmi organon nyhatyšone partijə de žəgo nomi ǧejd karde, u əv nomyš bə «Azərbojčoni xəlǧon bərobərəti partijə» ovaxtyše. Partijə əsosədə rušinfikon-tələbon bin. 1993 sori mijonədə partijədə tosə 5 həzo uzv hestbe.
De Əbulfəz Elcibej sərdorəti hakimijətədə cy Azərbojčoni Millijə čəbhə sijosət tyrkə millijəpərəstəti kardəbe u panturkizmi vardyše - əve tolyšə millijə aktiviston bin cəvonku[2].
Səvonon
[sərost bykə | kodi sərost karde]- ↑ UNPO - Talysh / https://unpo.org/members/17338
- ↑ 2.0 2.1 Mixail Jiroxov. Meç i oqonь Karabaxa. Xronika neznamenitoй voйnı. 1988-1994. — Moskva: Цentrpoliqraf, 2012. — P. 24. — 304 p. — ISBN 978-5-227-03227-0.
- ↑ Straniцı noveйşeй istorii Talışeй. TALIŞSKAЯ MUQANSKAЯ RESPUBLİKA: NAÇALO İ KONEЦ. SERQEЙ İvanov İstoçnik: "Nezavisimaя Qazeta". Avqust, 1994.
- ↑ Political Organization in Central Asia and Azerbaijan: Sources and Documents / Vladimir Babak, Demian Vaisman, Aryeh Wasserman. — London: Routledge, 2004. — S. 74—75. — 448 s. — ISBN 0-7146-4838-8.
- ↑ Regering in ballingschap ondersteunt strijd in Azerbeidzjan. // Vluchtelingen Dag krant. — Niderland, 20.06.2019. — S. 4.
- ↑ Şnirelьman V. A. Voйnı pamяti: mifı, identiçnostь i politika v Zakavkazьe / Reцenzent: L. B. Alaev. — M.: Akademkniqa, 2003. — S. 118. — 592 s. — 2000 эkz. — ISBN 5-94628-118-6.