Tolyšiston

Tolyšə xanəti vaxtədə kobəsonə zəminon

Tolyšiston — cy tolyšon sərzəmine.

Tolyšistoni ərozi

Tolyš viləjəti kobəsonədə Kur-Araz hajmi, nyso de Iron, həšipemə Kaspi dyjo marzyš heste.

Bə reljefi gorə dy vyrə čo karde bəbe - Lankoni hajm u Tolyšə bandon. Lankoni hajm 4-nə devri dyjo inən ru emejon, Tolyšə bandondə 3-nə dovri vulkanik u emejə suxuron vejin. Lankoni hajmədə əsosən tovystoni gurag kam voš vojdə mulajim-gamə iglim hakime.

Ym vilajətədə ruon vejin. Ruon - Viləš, Vəzəru, Ostoro ru, Bolgəru i.č. tolyšə bandonədə bə əməl omejdən. Lankoni hajmdədə dəvardən bə Kaspi dyjo emedən. Vilojəti ruon gida əsosən voši ovon u honi ovon əsos vyrə gətedən. Bandədim u nyzymə bandətijədə zardə tulon hestin. Višon tispiron gornə vej zəngine. Voši mijon sori ǧərolyš 400-1600mm-e.

Tolyšistoni əholi

Tolyšon cy Kaspi dyjo nyso-həšinyštejədə bə xəlǧi nomi etnonim. Tolyš syxani rišə barədə čurbəčurə fikiron hestin. Tarixi tədǧiǧ kardəkəson əsos fikir yme ki, ym syxan ǧədimə Kaspiana tojfon gyləj nomiku ofəjə byə. Žygo tarixi tədǧiǧ kardəkəson hestin ki, syxan Tolyš ǧədimə mənbondə nomyš nyvyštə byə Kadus tojfon nomiku de transformasija be ofajə bə.

Muslə, cy tolyšon vilojət

Čo tədǧiǧət kardəkəson fikir žəgoj ki, syxan Tolyš ce Daljumaj syxaniku pegətə byə. Daljumajon hežo Dejləmižonin ki, əvonən mijonə əsronədə Tolyšon kəšondə, xolondə gyləj byən. Dalej-Dalež-Taleš-Tolyš əvon hisob kardedən ki, ym syxani transformasijə žogo bə. Ve jolə ehtimol heste ki, hežo Dejləmižonən Kadus tojfondə byən. Kaduson Kaspi milləti bandondə žijə, de kašte i vyrədə moləvonəti, gələvonəti kardə tojfondəj. Žygo nətičə omedəmon ki, syxan etnonim «tolyš» bandi kaspijon, kaduson tojfon nomiku ofəjə byə.