Rudxan ǧələ
.jpg)
| Mountain range | Tolyšə bandon  |
|---|---|
| Keşvəron | Iron |
| Located in the administrative territorial entity | Gurab Pasi dehestan |
| Coordinate location | 37°3′52″N 49°14′23″E |
| Made from material | stone, brick |
| Architectural style | Sasanian architecture, Seljuk architecture, Nizari architecture, Safavid architecture |
| Date of official opening | 11. century, 1515 |
| Heritage designation | Iranian National Heritage |
| Directions | بالای ارتفاعات آبادی قلعه رودخان |
Rudxan ǧələ — cy Gilani əjoləti Fumən šaharədəje. Cy Ironə Tolyšistonədə ǧələje.
Cy ǧələ divoon bə i həzo penč sa metrə dyrozi rəsedə. Ym ǧələ šesty penč gylə gulləku iborəte. Kali mutəxəssison ym ǧələ dutə vaxti bə Səsanijon hukumətəti zəmonə votedən, čo kalijon ysəboj, ymi bə Səlčugon zəmonə angyl kardedən. Ym ǧələ cy Rudxani barzə rəǧəsəon gyləjədə, dy hektar, šəš soti vyrə gətedə. Həmən, ym ǧələ cy dyjo səvijəsən haft sa metrə bə pe ǧərolyš gətə. Bo Rudxani ǧələ vindejro bəpe cy nezə dijku vəjo haft km ro byšij, ijən i həzo gylə pyllə rost bybij. cy ǧələ har dyglə kəmo ru ešuredə. Ijo vində bedə, cy ǧələ nomən hežo cymiku pegətəbə. “Rudxanə” Syvoj by nomi, cy ǧələ dyglə čo čurə nomyšən heste. Xisami ijən Həzo pyllə.
Rudxanə ǧələ dy poəku iborəte. cəj həšiešə səmtədə hukmdoron deštə hərəmon žijedənbən. Ijo, kərpucədə ežəbə dymərtəbə ǧələ heste. Həšipemə səmtədə ysəboj, cy ǧələ gərdəni kəšə ləškəri ǧyvvon ǧərol gətedənbən.
Cy həšipemə ǧələ donzə gylə bəš heste. Həmom, zindon, bo bešejro etjot kəjbə ijən ovə nov. Cy həšiešə ǧələn donzə gylə bəəž heste. Ijoən Ovi ro, ovdon, ambo, zirzəmi, həmom ijən bo podšoh xyjzoni etjočiro ovə nov heste.
Ǧələ divo səpe bə dyrozəkilə, syvoj šesty penč gylə gərdənijə gullon, bə restə hylon hestin ki, cy hylono bə dyšmeni gullə ǧandendənbən ijən bəcəvon sə gylov jaən čo cijon peš kardə bedənbən. Ymi ǧejd karde vočibe ki, hələ hyc gylə dyšmeni ləškəri zuž vyškijəšni bystəno ym ǧələ bə dast.