Səsənijon Imperijə
Səsənijon Imperijə (ing - Sassanid Empire) — 226-nə soriku tosə 651-nə sori ysətnə Iron, Irag, Əfǧanistan, Pakistan, Turkmənistan u Azərbojčoni ərozijon əhotə kardəš be.
Iron — mənšəli Səsənijon sulalə təməli 226-nə sorədə I Ərdəšir Parson oxominə šah beə 4-ərdəvani ǧalib ome bəpešt noəše. Oxominə Səsənijon šahəšoh III Jəzdəgyrd beə. Dy Ərəb xilafəti 14- sor čangi bəpešt dəboxtə beə (632–651). Ən ve inkišof Xosrov I Ənuširəvani devrədə beə. Ən ve (javli kamə myddətədə) sərhədon jol karde III Hormizi zoə u Xosrov I Ənuširəvani nəvə beə Xosrov II Pərvizi vaxtədə beə. Əj yštə zəminon əlavə kardaš be: esətnə Iron, Irag, Azərbojčon, Erməniston, Əfǧanistan, ysətnə Tyrkijə həšipemə tərəf, ysətnə Hindyston kali zəminon, Surijə, Pakistan. Səsəni devlət gafazi kali ərozion, Mijonə Asijə, Ərəbi jarmada, Misir, ysətnə Iordanitə zəminon, Israil u Fələstin gətym karde bəpešt yšdə ərazion Əhəməni Imperijə vaxtədə beə sərhədi rəsəbe. VII əsri mijononədə Səsənion imperijə Ərəbi xəlifə tərəfədə məhv be.